O número de empregados públicos en España ascende a 2.595.575, segundo o último boletín estatístico do persoal ao servizo das administracións públicas, que publica o Ministerio de Política Territorial e Función Pública, correspondente a xullo de 2019, que introduce importantes novidades tanto no seu contido como no seu formato.
Os 2.595.575 empregados públicos repártense entre as distintas administracións públicas así: 57,76% presta servizo no sector público das comunidades autónomas, 19,80% no sector público do Estado e o 22,43% no sector público das entidades locais.
Doutra banda, no conxunto das administracións públicas, o 56% é persoal funcionario de carreira, o 22,4% é persoal laboral e o resto do persoal (persoal funcionario interino, persoal eventual e outro persoal) supón o 21,60%.
Outro dato relevante é que o 56,25% dos efectivos ao servizo das administracións públicas son mulleres e o 43,75% son homes.
