A ministra de Política Territorial e Función Pública, Carolina Darias, e o conselleiro de Gobernación Pública e Autogoberno e portavoz do Goberno vasco, Josu Erkoreka, mantiveron un primeiro encontro na sede do ministerio para iniciar o proceso de diálogo en relación coas transferencias que quedaron pendentes na anterior lexislatura.
Ambos os gobernos acordaron convocar a Comisión Mixta de Transferencias Estado-País Vasco no mes de marzo para traspasar as competencias en materia de lexislación sobre produtos farmacéuticos, o seguro escolar e as axudas previas á xubilación ordinaria de traballadores afectados por EREs.
A ministra informou tras o encontro que o próximo 20 de febreiro está prevista unha nova reunión en Bilbao, co obxectivo de definir un cronograma co resto de materias pendentes de transferir ao Goberno vasco, tras analizalas cos ministerios competentes.