A Comunidade de Madrid é unha das que máis se benefician da subida do 5% do SMI, segundo a estimación elaborada polo Ministerio de Traballo e Economía Social sobre a distribución territorial, sectorial, por sexo e por idade das persoas que recibirán a subida aprobada no Consello de Ministros do martes, 6 de febreiro, do Salario Mínimo Interprofesional (SMI) para 2024.
En concreto, na Comunidade de Madrid serán 387.300 as persoas beneficiarias, o que sumado ás de Andalucía (510.500), Comunidade Valenciana (306.400) e Catalunya (300.100), supoñen en torno á metade do total.
Esta subida incrementará as nóminas a 1.134 euros ao mes en 14 pagas. O incremento beneficia, especialmente, ás mulleres, que son máis da metade das persoas que perciben esta retribución, e aos e as menores de 25 anos.
A información obtívose a partir da análise de microdatos da Enquisa de Poboación Activa (EPA) de 2022 con salarios do emprego principal.