A Seguridade Social ha tramitado 1.524 expedientes de prestacións por nacemento e coidado de menor nos seis primeiros meses de 2024, dos cales 670 corresponderon ao primeiro proxenitor e 854, ao segundo proxenitor, é dicir, máis do 56% dos permisos corresponderían, na súa maioría, aos pais.
O número de permisos por nacemento e coidado de menor neste primeiro semestre descende lixeiramente (-2,2%) respecto do mesmo período de tempo de 2023, cando se tramitaron 1.558.
Estas cifras corresponden ao número de expedientes xestionados, non ao número de perceptores, xa que a prestación pode gozarse por períodos semanais e contabilízase cada vez que se inicia un deles.
O gasto na prestación por nacemento e coidado de menor nos primeiros seis meses de ano foi de 10,7 millóns de euros.
A duración media das prestacións por nacemento e coidado de menor activas no primeiro semestre de 2024 foi de 105 días.
A prestación por nacemento e coidado de menor é un dereito individual e non transferible dos dous proxenitores. Substituíu ás antigas prestacións de maternidade e paternidade e equiparounas. Na actualidade, o permiso é de 16 semanas, seis das cales deben gozarse inmediatamente despois do parto ou resolución xudicial ou administrativa nos casos de adopción, garda ou acollemento. O resto do tempo pode disporse en períodos sucesivos antes de que o bebé cumpra un ano.
A contía destas prestacións é equivalente á base de cotización do mes anterior ao parto, adopción, garda ou acollemento, e abóase directamente polo Instituto Nacional da Seguridade Social (INSS) durante as semanas que dura o permiso.
O Instituto Nacional da Seguridade Social ofrece a posibilidade de solicitar a prestación por nacemento de forma telemática, a través do portal A túa Seguridade Social (https://sede.seg-social.gob.es/) e a través de https://tramites.seg-social.es/acceso/prestacion-nacemento-coidado-menor.html.
Tamén se poden solicitar telematicamente os períodos sucesivos de descanso por nacemento ou coidado do menor, se os proxenitores optan por dividir o período.
Excedencias por coidado de fillo/a, menor acollido ou familiar
Doutra banda, o número de excedencias dadas de alta no primeiro semestre do ano foi de 230 das que 193 corresponderon a mulleres, o 83,9%, e 37 a homes, o que equivale ao 16,1%. En comparación co mesmo período do ano pasado, o número de excedencias descendeu un 9,45%, 24 menos en 2024 que en 2023.