O Ministerio de Inclusión acorda a adscrición dun inmoble da Seguridade Social ao Concello de Inca

A parte que se adscribe ao concello, de máis de 5.000 metros cadrados, estaba sen uso desde 2013

O Ministerio de Inclusión, Seguridade Social e Migracións acordou a adscrición ao Concello de Inca de parte dunha inmoble propiedade da Tesouraría Xeral da Seguridade Social na rúa Mestre Torrandell, 85, na localidade.

Este edificio, no que se atopa o Centro de Atención e Información da Seguridade Social (CAISS) da localidade, tamén albergou un centro de saúde, que foi transferido á administración autonómica en 2013. Esta parte do inmoble foi revertida á Seguridade Social en 2013, permanecendo sen uso desde entón.

A parte do edificio á que corresponde a adscrición, de 5.166 metros cadrados, será utilizada polo Concello de Inca para a prestación de servizos sociosanitarios, culturais e sociais por un prazo de 30 anos.

Esta adscrición ampárase na reforma do Real Decreto 1221/92 sobre o patrimonio da Seguridade Social aprobada o pasado mes de xaneiro, que simplifica e facilita a colaboración entre a Seguridade Social e outras administracións, permitindo o uso de inmobles que non estean a ser utilizados para adscribilos a fins de utilidade pública.