La subdelegada do Goberno nA Coruña, María Rivas, asistiu hoxe ao acto de nomeamento de Francisco Caamaño Domínguez como Fillo Predilecto de Cee, un recoñecemento que, na súa opinión, “pon en valor unha traxectoria política e institucional exemplar, profundamente ligada á defensa do Estado de dereito, das liberdades e da xustiza social”.

Durante o acto, presidido pola alcaldesa, Margarita Lamela, e que contou coa intervención do reitor da Universidade de Santiago de Compostela, Antonio López, fíxose un repaso pola ampla traxectoria de Caamaño, destacando o seu paso polo Goberno de España como ministro de Xustiza entre 2009 e 2011, etapa na que impulsou máis de vinte reformas normativas. Entre elas, subliñouse a modernización do Rexistro Civil, a introdución da responsabilidade penal das persoas xurídicas e o impulso da Administración de Xustiza electrónica.

También púxose en valor a súa etapa como presidente da Comisión de Xustiza e Interior con motivo da presidencia española da Unión Europea, na que promoveu, entre outras medidas, a orde europea de protección para vítimas de violencia de xénero.

“Falamos dun home con visión de país e de Europa, con fondas raíces na súa terra e cunha capacidade de diálogo que marcou unha época no Parlamento e no Consello de Ministros”, declarou Rivas.

La subdelegada agradeceu ao Concello de Cee a concesión desta distinción, sinalando que “é un nomeamento máis que merecido, que honra a Francisco Caamaño e que tamén honra a este municipio, que sabe recoñecer o talento e o compromiso dos seus veciños. É un orgullo para a súa vila natal e para toda Galicia”.