O Goberno impulsará 11 proxectos pioneiros de produción e de almacenamento enerxético de renovables en Galicia cun investimento de 6.129.234 euros procedentes do Plan de Recuperación. Estes proxectos están incluídos na primeira convocatoria do programa RENOINN (Programa Enerxías Renovables Innovadoras), que vén de resolver definitivamente o Ministerio para a Transición Ecolóxica e o Reto Demográfico (MITECO).
En Galicia este programa promoverá proxectos de produción con almacenamento de enerxía hidroeléctrica e fotovoltaica e iniciativas de produción de xeotermia e de enerxía ambiente (aerotermia/hidrotermia) nas provincias da Coruña e de Pontevedra. En total, os proxectos suman 7,5 MW de xeración e 4,2 MWh de capacidade de almacenamento. O investimento total mobilizada ascenderá a 9.354.711 euros, con iniciativas publicas e tamén privadas.
O Instituto para a Diversificación e Aforro da Enerxía (IDAE), organismo adscrito ao MITECO, foi o encargado de xestionar a convocatoria e seleccionou os proxectos polo sistema de concorrencia competitiva. Destacou deles o carácter innovador e o valor engadido de integrar as enerxías renovables no territorio e en distintos sectores produtivos, á vez que se impulsaba o autoconsumo colectivo e o despregamento da bomba de calor para descarbonizar a climatización.
De as cinco liñas de incentivos diferenciadas no programa RENOINN, Galicia está presente en tres delas e entre os beneficiarios atópanse administracións públicas, empresas, comunidades de propietarios e propietarias e fundacións.
Consumidores vulnerables
Más da metade dos proxectos que se impulsarán en Galicia forman parte da liña de consumidores vulnerables, que impulsa iniciativas cun compoñente social mediante fórmulas de autoconsumo colectivo con almacenamento. En concreto, son cinco proxectos promovidos pola Deputación de Pontevedra (que alcanza 2,4M€) que beneficiarán á poboación de 38 concellos da provincia, e un proxecto promovido pola Xunta de Galicia no Concello de Bueu (cunha axuda de 0,4M€). Todos estes proxectos son de xeración fotovoltaica e almacenamento asociado. En conxunto, xerarán 4,1MW cun almacenamento asociado de 3,6MWh.
Por número de proxectos, a segunda liña con máis axudas concedidas en Galicia é a dedicada a proxectos innovadores de instalacións de bomba de calor renovable que ten como obxectivo avanzar na electrificación dos procesos térmicos. Entre os beneficiarios hai tres comunidades de propietarios e propietarias das cidades de Santiago, A Coruña e Vigo, así como unha instalación dunha Fundación Náutico Deportiva do Concello de Pontevedra. Neste último caso, finánciase a instalación de enerxía ambiente (aerotermia/hidrotermia) e o resto son de xeotermia. Os proxectos xerarán conxuntamente 2,1MW.
Por último, Galicia está presente na liña dedicada á integración de enerxías renovables en infraestruturas. Neste caso, o IDAE seleccionou unha proposta en Covelo (Pontevedra), de tecnoloxía hidroeléctrica, que alcanza 1,06M€ de subvención. A potencia de xeración da instalación beneficiaria é de 1,42 MW e a capacidade do almacenamento asociado de 0,6 MWh.
Todas as actuacións obxecto de subvención no programa RENOINN deberán respectar o principio de “non causar un dano significativo” ao medioambiente que vincula aos fondos NextGenEU canalizados polo PRTR. As actuacións deberán estar executadas antes do fin de marzo de 2026.
