Pedro Blanco destaca que o Goberno reforza o seu compromiso con Galicia e dálle un novo impulso ao Xacobeo 2027

El delegado do Goberno en Galicia, Pedro Blanco, destacou hoxe o novo impulso do Goberno ao Xacobeo 2027, co que reforza o seu compromiso con Galicia, neste caso mediante a declaración de especial interese público desta celebración que vén de aprobar o Consello de Ministros e que ratificará o Congreso previsiblemente a próxima semana. Pedro Blanco fixo fincapé na importancia deste ano Santo como “un motor turístico e cultural do noso país”.

O delegado sinalou a importancia desta acción do Goberno no impulso ao Xacobeo, pois permitirá aos profesionais do turismo galegos planificar a súa estratexia de face ao Ano Santo. Con esta medida, “o Goberno dinamiza a colaboración público-privada de face a unha data tan singular”. Pedro Blanco espera unha multiplicación das oportunidades para o sector, “pois xa o Camino de seu xera dinamismo, pero con estas posibilidades de captación de fondos para as empresas que agora se abren e a instalación do réxime fiscal especial que esta declaración leva aparellada, o Xacobeo 2027 cobra unha dimensión aínda máis positiva para Galicia”.

Pedro Blanco puxo en valor as múltiples accións que está a levar a cabo o Goberno en prol do Ano Santo e dun sector tan importante como o do turismo en Galicia, apostando por unha maneira de traballar sustentable e respectuoso co medio ambiente e coa cidadanía e con especial atención á rehabilitación de edificios, “como a que, sen ir máis lonxe, está a realizarse no Hostal dos Reis Católicos ou no Pazo de Raxoi, ambos na mesma Praza do Obradoiro, meta do Camino, e que suman preto de 40 millóns de euros de investimento”.

Un impulso continuado

O Goberno vén de modificar o Real Decreto que regulaba a concesión directa de axudas destinadas ao financiamento do Plan Nacional de Sustentabilidade Turística en Destinos Xacobeo 2021, no marco do Plan Nacional Turístico Xacobeo 21-22, que alcanza os 121 millóns de euros de investimento.

Esto supón que o plan de sustentabilidade, con motivación transformadora do sistema turístico e de mellora do mesmo, estenda o prazo de execución dos fondos cos que está dotado (45 millóns de euros deses 121 totais) ata o 30 de maio do 2026, así como o prazo de xustificación dun mes, que pasa a estar aberto ata o 30 de xuño do mesmo ano.

O delegado destacou neste sentido que o Goberno leva moitos anos apostando pola dinamización do turismo galego e en especial do Xacobeo, tal como fixo no último levado a cabo. “Este Goberno cumpre coa declaración para o 2027, pero o seu labor non é cousa dun día, pois aposta firme pola cultura, o turismo sustentable e o desenvolvemento territorial desde o día mesmo no que Pedro Sánchez chegou á Moncloa”.