El delegado do Goberno en Galicia, Pedro Blanco, destaca o apoio do Goberno de España co desenvolvemento dos pequenos concellos de Galicia cos máis de 60 millóns de euros, que o Ministerio de Transportes leva investidos desde 2018, en actuacións de conservación e mantemento da rede estatal na provincia da Coruña.
Lo fixo xunto á alcaldesa de Bergondo, Alejandra Pérez; e á subdelegada do Goberno nA Coruña, María Rivas, durante a inauguración das dúas novas rotondas situadas no PK 580 na estrada N-6 ao seu paso por Guísamo, unha actuación que supón un investimento de 1,55 millóns de euros e que está financiada polo Ministerio de Transportes e Movilidad Sostenible.
“Trátase dun investimento sostido e planificado que contribúe a vertebrar o territorio, mellorar a mobilidade no rural galego e garantir a seguridade de toda a veciñanza”, afirmou o delegado explicando, ademais, que con esta actuación o Goberno reafirma o seu compromiso co desenvolvemento dos pequenos concellos de Galicia. “As actuacións non poden nin deben centrarse unicamente nas grandes áreas urbanas, e nós iso saber ben”, sinalou o delegado, quen tamén felicitou aos equipos técnicos e agradeceu a colaboración institucional que permitiu executar a obra en prazo e forma.
“Seguiremos traballando cunha visión de país que sitúa as persoas no centro da acción pública e que entende que o progreso debe chegar a todos os recunchos de Galicia”. Nese contexto, o delegado destacou a importancia estratéxica da cooperación institucional como ferramenta fundamental para garantir a equidade territorial, subliñando que, sen a coordinación efectiva entre Ministerio e Concello, iniciativas como esta non se poderían materializar.
“A implicación sostida do Goberno, a través do Ministerio de Transportes fai posible dar resposta a unha demanda da alcaldesa que supón un antes e un despois para Guísamo”, afirmou Pedro Blanco.
O delegado engadiu que estas intervencións na Rede de Estradas do Estado responden a unha planificación baseada en criterios técnicos e de seguridade, actuando especialmente nos puntos identificados como Tramos de Concentración de Accidentes. Nese sentido, puxo en valor a construción das novas rotondas na parroquia, que veñen substituír os anteriores cruzamentos perigosos, garantido unha mellora significativa na mobilidade e na protección dos viandantes. “As actuacións que hoxe inauguramos constitúen unha evidencia clara do compromiso do Goberno coa seguridade viaria e coa atención ás necesidades reais do territorio”, concluíu o delegado.