El delegado do Goberno en Galicia, Pedro Blanco, celebrou hoxe os avances do Ministerio para a Transición Ecolóxica e o Reto Demográfico para cumprir cos compromisos alcanzados cos concellos da contorna da ría dO Burgo para mellorar o bordo litoral unha vez finalizada a obra de rexeneración da ría. Pedro Blanco informou o estado de tramitación dos cuatros proxectos que se executarán nA Coruña, Oleiros, Culleredo e Cambre, aos que se comprometeu o secretario de Estado de Medio Ambiente, Hugo Morán, cos alcaldes e alcaldesas destes municipios na súa última visita a esta zona.
El delegado lembrou que estas actuacións supoñen un investimento de máis de 5 millóns de euros na zona que se suman aos 41,5M€ investidos polo Ministerio na rexeneración da ría dO Burgo. E reiterou a importancia destes traballos “fundamentais para completar a humanización da ría e mellorar a calidade de vida da veciñanza”.
Pedro Blanco sinalou que o BOE de hoxe publica os anuncios de apertura da fase de información pública dos dous proxectos que implican novas actuacións, que son a prolongación do paseo marítimo entre Oleiros e Cambre (A Coruña) en 453 metros, e o tratamento do bordo litoral no parque do Paraíso en Oleiros.
A estes dous proxectos, o Goberno sumará a prolongación do bordo marítimo na zona da Pasaxe dotándoo de pavimento peonil e dun carril bici, similares aos executados no resto da ría (máis de 4km) e a mellora no muro do paseo de Culleredo xunto con a construción e reparación de pavimentos (3.200m). No caso destas actuacións, ao tratarse de obras de mellora, non se require a fase de información pública, polo que a Demarcación de Costas está a realizar a tramitación ordinaria das mesmas.
Unha vez concluídas estas tramitacións, o Ministerio executará os proxectos con medios propios (a través de Tragsa) o que acurtará significativamente os prazos para que a veciñanza poda ter a disposición estas novas áreas.