El subdelegado do Goberno en Ourense, Eladio Santos, presidiu este venres a Xunta Local de Seguridade do Concello dA Rúa, que abordou as estatísticas de criminalidade e ultimou os dispositivos de seguridade para as festas do verán do municipio. Despois da reunión, animou á veciñanza a gozar das celebracións "con responsabilidade" e sempre cumprindo as normas.
La reunión, celebrada no Concello dA Rúa, estivo presidida tamén pola alcaldesa, María González Albert, e contou coa asistencia de membros da Garda Civil e a Policía Local, que trataron o estado da violencia machista na localidade e os datos do Plan Director para a convivencia e a mellora da seguridade nos centros educativos e nas súas contornas.
Eladio Santos esperou que os festexos e concertos que animarán o municipio na época estival, especialmente as festas de agosto, transcorran "con normalidade e sen altercados", porque o obxectivo é que veciños, veciñas e visitantes gocen sempre "con seguridade". Para iso, a Policía Local reforzará a vixilancia, coa axuda e colaboración da Garda Civil.
En relación á situación da seguridade no municipio, a Garda Civil detallou que o total de infraccións penais no municipio baixou nos catro primeiros meses de 2025 en comparación ao mesmo período do ano anterior. "A Rúa é un pobo seguro e quero agradecer o traballo conxunto da Policía Local e a Garda Civil que permite esclarecer os delitos e manter as rúas en calma", subliñou o subdelegado.
Sistema VioGén
En estes momentos, un total de 9 mulleres están protexidas a diario pola Garda Civil e a Policía Local nA Rúa, mentres que o número de casos activos na provincia e de 534. "Este Concello forma parte do sistema de Seguimento Integral dos Casos de Violencia de Xénero (VioGén) desde 2022, o que facilita a coordinación para manter a seguridade das vítimas, e temos que seguir traballando para lograr que ningunha muller estea en perigo", indicou Eladio Santos.