A subdelegada do Goberno de España nA Coruña, María Rivas, participou esta mañá na Xunta Local de Seguridade no Concello de Rianxo para analizar os últimos datos e as accións levadas a cabo entre a Garda Civil e a Policía Local do Concello para garantir a seguridade da veciñanza. Rivas destacou “o traballo conxunto da Garda Civil e a Policía Local que se traduce nuns bos datos e na percepción de seguridade que ten a veciñanza”.
Así corroborar a taxa de criminalidade que sitúa a este concello como un dos máis seguros. Rianxo ten un índice de 23 delitos por cada mil habitantes, moi por baixo da media nacional que está en 51; a galega, en 35; e a provincial que se sitúa no 38. Así mesmo, a subdelegada destacou a importancia da formación e a concienciación cidadá na prevención de delitos e puxo de relevo os resultados alcanzados co Plan Director para a convivencia e mellora de seguridade nos centros educativos e as súas contornas.
En este último ano, a Garda Civil realizou 18 actividades en 3 centros educativos de Rianxo, ás que asistiron un total de 399 persoas, entre alumnado, profesorado e pais e nais do estudiantado. As actividades centráronse en temas sobre ciberseguridade, acoso escolar e protección de medio ambiente e a natureza.
Ademais, nesta reunión avanzouse na coordinación do dispositivo de seguridade das Festas da Guadalupe 2025, unha das celebracións máis emblemáticas da vila, que cada ano reúne milleiros de persoas atraídas pola tradición, a música, a cultura e o ambiente acolledor de Rianxo.
“El dispositivo de seguridade que se prevé está deseñado para garantir o bo desenvolvemento de todos os eventos programados, cunha planificación detallada e medidas específicas adaptadas a cada actividade, pondo especial atención ás xornadas e espazos con maior concentración de público, tanto de día como de noite”, sinalou a subdelegada.
O operativo será coordinado entre o Concello de Rianxo, as forzas e corpos de seguridade do Estado, a Policía Local, os servizos de emerxencia e protección civil, co obxectivo de que as festas se desenvolvan con total normalidade e sen incidencias. “Aínda que as festas serán en setembro, traballamos con antelación para reforzar a planificación e mellorar a coordinación entre todos os organismos implicados”, destacou.
Sistema VioGén
A Xunta Local de Seguridade analizou tamén os datos do Sistema Integral nos casos de violencia de xénero, VioGen. Rianxo ten 22 vítimas de violencia de xénero. O Sistema VioGén, dependente do Ministerio de Interior, é un sistema de protección ás vítimas de violencia de xénero no que colaboran as forzas e corpos de seguridade do Estado coa policía local dos concellos.
Dos 60 concellos da provincial que contan con policía local, 27 deles están adheridos ao Sistema VioGén Das 22 vítimas de Rianxo todas son españolas; mentres que dos autores, 20 son de orixe española e 2 do estranxeiro.
Por idade, repítese o padrón, o maior número de vítimas e autores están entre 31 e 64 anos. Pero entre 18 e 30 anos hai 5 vítimas e 2 autores, segundo sinalou a subdelegada do Goberno. “Insisto neste dato porque nesa idade teñen máis formación e instrumentos para estar concienciados en materia de convivencia e respecto as demais, e que empecen a formar parte das estatísticas é unha forte chamada de atención”, explicou Rivas.