El delegado do Goberno en Galicia, Pedro Blanco, puxo en valor hoxe a acción do Goberno de España como “o maior garantizador dos investimentos que transforman os concellos galegos e melloran a calidade de vida da xente”. No marco dunha visita ámela, destacou a implicación do Goberno de Pedro Sánchez coa mellora da calidade urbana das grandes vilas galegas, coa sustentabilidade e co impulso á industria innovadora, cun volume de investimento que rolda os 10 millóns de euros neste municipio.
El delegado do Goberno mantivo unha reunión co alcalde, Blas García, para analizar cuestións relativas as infraestruturas e supervisar os investimentos estatais no concello. No encontro, destacou o proxecto de humanización da N-550 no Milladoiro como exemplo da aposta do Goberno pola mellora da mobilidade, convertendo a antiga travesía nun espazo máis amable, accesible e pensado para as persoas, con carril bici, beirarrúas máis amplas e un único carril de circulación.
El delegado informou de que a obra avanza en prazo e espérase que poida estar finalizada no primeiro trimestre de 2026. A actuación conta cun orzamento de 4,4 millóns de euros financiados polo Ministerio de Transportes a través do Plan de Recuperación.
Durante a visita, o delegado do Goberno recoñeceu, precisamente, a capacidade do alcalde para captar os fondos europeos do Goberno que seguen transformando Galicia desde o ámbito local. Así, sinalou a creación da Oficina de Transformación Comunitaria, cunha achega estatal de 80.000 euros, para asesorar a cidadanía na creación de comunidades enerxéticas locais, ou o proxecto Ames Dixital Water, financiado con 1,13 millóns de euros do PERCHE do Ciclo da auga, como exemplos de proxectos municipais en beneficio da cidadanía “que son posibles grazas ao Plan de Recuperación”. “Estas son os investimentos que fan crecer os concellos galegos facéndoos máis eficientes e pensados para vivir mellor. O Goberno está a transformar as grandes vilas galegas desde abaixo, apostando por un modelo de futuro sustentable e innovador”, afirmou Pedro Blanco.
Ao mesmo tempo, lembrou que Ames concorreu á convocatoria do programa EDIL con proxectos ambiciosos que poderían permitir mobilizar ata 15 millóns de euros para continuar a transformación social e urbana. O delegado tamén subliñou que o Goberno é o maior aliado das empresas. Proba disto é a axuda de 1,42 millóns de euros do PERCHE Chip concedida a Maxwell Applied Technologies, con sede no Milladorio.
Ademais, destacou o impulso ao turismo sustentable, a través do Plan de Sustentabilidade Turística Terras de Santiago do que forma parte Ames, ou o compromiso coa conectividade, con máis de 500 vivendas e empresas beneficiadas pola extensión da banda larga no municipio grazas ao Plan Único.
O Goberno, sempre ao lado da cidadanía
Tras a reunión no Concello, o delegado aproveitou para visitar, xunto con o alcalde, un dos Vehículos Integrais de Documentación (VIDOC) da Policía Nacional para a expedición do DNI e do pasaporte, que está a percorrer 75 concellos galegos para achegar este servizo á cidadanía e que hoxe fixo parada en Bertamiráns.
Pedro Blanco comprobou o funcionamento dun servizo que “está a ter unha excelente acollida por parte da veciñanza e que representa “o compromiso do Goberno por estar sempre ao lado das persoas, tamén nas pequenas xestións que facilitan a vida diaria.