O delegado do Goberno en Galicia, Pedro Blanco, encomiou hoxe nO Barco de Valdeorras (Ourense) a fortaleza do sector vitivinícola galego e a súa capacidade de adaptación ás novas condicións do mercado e da produción. No acto de inauguración da XXVI edición da Feira do Viño de Valdeorras, reiterou o apoio do Goberno de España para que produtores e empresas aproveiten todos os instrumentos ao seu alcance para facer fronte aos retos de futuro, como son o reequilibrio entre oferta e demanda, o cambio climático, as novas demandas dos consumidores ou a necesidade de alcanzar unha maior sustentabilidade nos ámbitos ambiental, social e económico.
Pedro Blanco expresou o seu optimismo diante as perspectivas do sector vitivinícola galego, que é un dos principais beneficiados pola Intervención Sectorial Vitivinícola (ISV), o programa de apoio ao viño no marco da nova PAC.
En Galicia, este programa traduciuse o pasado ano en máis de 10 millóns de euros que o Goberno transferiu á Comunidade Autónoma para a programas de apoio ao sector. A estes 10 millóns de euros, únense as axudas concedidas a tres adegas galegas no marco da primeira convocatoria do PERCHE Argoalimentario, que recibiron 5,2 millóns de euros para financiar a súa participación no programa Graperte de dixitalización do sector.
Estas cantidades, xunto con as axudas dos plans de resposta á seca e á guerra en Ucraína ou a través dos diversos programas de turismo vinculados ao sector vitivinícola e agroalimentario, elevan a 25 millóns de euros o investimento do Goberno de España en apoio a produtores e adegas nos últimos tempos.
Inauguración
Na súa intervención, o delegado, que estivo acompañado polo subdelegado do Goberno en Ourense, Eladio Santos, trasladou a súa felicitación e a do Goberno aos homes e mulleres do viño de Valdeorras pola súa estratexia a favor da modernización e a dixitalización do sector sen perder de vista a “calidade indiscutible” dos seus caldos.
También nomeou ao Consello Regulador da Denominación de Orixe polo seu traballo a favor da difusión internacional e do control de calidade da produción.