A Coruña, 30 de maio de 2025.- El delegado do Goberno en Galicia, Pedro Blanco, celebrou hoxe os resultados do Ingreso Mínimo Vital (IMV), unha iniciativa social pioneira do Goberno de España que, desde a súa aprobación hai cinco anos, chegou a 46.904 fogares galegos, beneficiando directamente a 125.033 persoas. O delegado destacou, ademais, que en máis de 34.800 dos fogares que reciben esta prestación viven menores e que máis do 55% das persoas protexidas son mulleres.
Pedro Blanco informou de que desde a súa posta en marcha en xuño de 2020, o IMV mobilizou en Galicia un importe bruto acumulado de máis de 676 millóns de euros, cunha contía media mensual por fogar de 500,99 euros, o que contribuíu a preservar o poder adquisitivo dos fogares máis vulnerables e a reducir a mínimos históricos as taxas de pobreza e desigualdade en Galicia.
En palabras do delegado do Goberno, “esta prestación, impulsada polo Goberno de Pedro Sánchez como parte fundamental do escudo social está a permitir avanzar cara a unha sociedade máis xusta e igualitaria, combatendo a pobreza estrutural e protexendo especialmente ás familias con menores”.
“As persoas son e seguirán sendo a prioridade do Goberno de España e o Ingreso Mínimo Vital foi unha conquista social de enorme calado que nestes cinco anos demostrou ser unha das ferramentas máis eficaces para combater a pobreza e avanzar decididamente no camiño da xustiza social”, afirmou.
Datos por provincias
Na provincia da Coruña o IMV chega a 19.454 fogares, beneficiando as 48.922 persoas (26.993 mulleres e 21.925 homes), cunha media mensual de 523,03 euros e mobilizando, desde 2020, 302.579.873,51 euros.
En Lugo hai 5.996 fogares que perciben esta prestación que beneficia a 16.707 persoas (9.212 mulleres e 7.494 homes), cunha contía media mensual de 515,50 euros e un importe acumulado de 90.061.567,36 euros.
Na provincia de Ourense o IMV beneficia, cinco anos despois da súa aprobación, a 6.249 fogares e as 16.432 persoas (8.961 mulleres e 7.469 homes). A contía media mensual da prestación é de 524,67 euros e o importe acumulado: 91.375.132,57 euros.
Finalmente, a provincia de Pontevedra rexistra 15.205 fogares que perciben o IMV e 42.972 persoas protexidas (23.912 mulleres e 19.057 homes), cunha contía media mensual de 456,40 euros e un importe acumulado de 192.899.091,71 euros.
Refuerzo de dereitos e loita contra a desigualdade
O delegado do Goberno insistiu en que “o Ingreso Mínimo Vital axuda a construír unha sociedade máis xusta”, subliñando que o Goberno traballa para ampliar o alcance desta prestación a todas as persoas con dereito a percibila. Nese sentido, Pedro Blanco explicou que desde o Ministerio de Inclusión, Seguridade Social e Migraciones xa se están implementando melloras como a renovación da web para facilitar os trámites e o lanzamento, desde xuño, de servizos de atención telemática para persoas con discapacidade auditiva.
Finalmente, o delegado fixo un chamamento a todas as administracións para que asuman a súa responsabilidade na loita contra a desigualdade, reivindicando as políticas sociais do Goberno central como “avances irrenunciables”.