La subdelegada do Goberno nA Coruña, María Rivas, puxo en valor os avances no sector da seguridade para promover a igualdade entre homes e mulleres, que se alcanzaron co impulso das políticas feministas do Goberno. A subdelegada participou na inauguración da xornada sobre igualdade e seguridade organizada pola Asociación de Empresas e Expertos en Seguridade de Galicia (AESGA).
María Rivas destacou os avances alcanzados dentro das Forzas e Corpos de Seguridade, que avanzaron e avanzan na igualdade coa incorporación progresiva da muller. “Boa mostra disto é a propia provincia da Coruña, que é unha referencia ao contar con dúas xefas de comisaría da Policía Nacional en Ferrol e Santiago”.
Tamén a Garda Civil, que desde 2021 leva aumentando a súa cifra de mulleres ata elevar en dous puntos a nivel nacional. “Son pasos motivados porque hai un Goberno que cre que a igualdade é o camiño e que sabe que aínda que o camiño é longo hai que ir dando pasos firmes”, apuntou María Rivas ao respecto.
Estos avances son “froito da reflexión e a análise, algo que promoven xornadas como a organizada hoxe, que marca o futuro da igualdade de xénero neste sector grazas ao traballo desta a asociación e do Observatorio ‘Muller e Seguridade’”.
Sobre esta entidade, María Rivas destacou a súa valentía e espírito transformadora, que actúa e mellora a realidade mediante os datos, con propostas e sobre todo cunha mirada feminista. A subdelegada animou aos integrantes do sector a non baixar os brazos e seguir loitando pola igualdade efectiva.
Señaló que as mulleres continúan infrarrepresentadas en todos os postos do gremio, tanto nos/nos directivos como nos/nos intermedios ou nos primeiros chanzos. Apuntou tamén que para todos estes retos terán ao seu lado ao Goberno, “que comparte esta loita pola igualdade e vaina a defender ata o final”.
Ademais, agradeceu pola súa especial sensibilidade feminista a AESGA, “que queda manifestada mediante xornadas como a celebrada esta mañá”. En paralelo, María Rivas destacou o gran esforzo que leva a cabo o sector da seguridade, sexa pública ou privada, para garantir a liberdade, a igualdade e a democracia no seu día a día, “pois sen seguridade e protección non existiría ningún destes principios, que son a base do noso benestar”.
No ámbito coruñés, a subdelegada fixo fincapé no “importante labor” que realizan os corpos de seguridade na protección ás 2.669 mulleres vítimas de violencia machista que están baixo o amparo do sistema VioGen.