El delegado do Goberno en Galicia, Pedro Blanco, participou esta mañá na inauguración da nova sede central da empresa Santos Equipamentos de Interiores SL, en Santiago de Compostela, onde reivindicou o compromiso do Goberno de España coa industria galega, a innovación e a creación de emprego de calidade.
“El Goberno de España”, engadiu, “actúa como aliado firme do tecido empresarial galego, a través de fondos europeos, programas de apoio á industria e á dixitalización, así como reforzando a aposta pola Formación Profesional, clave para “construír unha Galicia de oportunidades, unha “cociña” común onde o talento teña espazo para crecer”.
Pedro Blanco destacou que empresas como Santos son “exemplo do mellor que pode ofrecer Galicia: unha empresa familiar que nace aquí, que crece aquí e que desde aquí se proxecta ao mundo”.
Así, afirmou que “Santos é símbolo dunha Galicia que innova, que crece e que crea valor”, á vez que fixo fincapé na importancia de apoiar os sectores emerxentes como o deseño, o interiorismo e a arquitectura de interiores, “con capacidade para xerar riqueza, industria e futuro”.
O delegado do Goberno felicitou especialmente ao equipo humano de Santos e ao seu responsable, José Antonio Santos, “polo liderado exemplar e pola firme aposta pola calidade e polo talento local”.
“Santos representa unha Galicia moderna, conectada co mundo, pero fondamente pegada ao territorio. Un proxecto que naceu nunha pequena carpintaría e que hoxe é un referente internacional”, concluíu.