La subdelegada do Goberno en Lugo, Isabel Rodríguez, recibiu esta mañá na Subdelegación a un grupo de 15 persoas maiores usuarias dos centros sociais do Concello de Lugo, no marco da Semana da Administración Aberta. La acompañaron na visita a concelleira de Benestar Social e Personas Mayores, Olga López Racamonde, e persoal da Subdelegación, que guiou o percorrido polas distintas unidades.
Durante a xornada, o grupo puido coñecer de cerca o funcionamento da Administración Xeral do Estado na provincia, así como os principais servizos que ofrece á cidadanía. O persoal da Subdelegación achegoulles información práctica sobre como realizar trámites a través da sede electrónica, solicitar a clave permanente ou acceder ao cartafol cidadán.
A subdelegada destacou que “é fundamental seguir facilitando o acceso á administración electrónica ás persoas maiores, eliminando barreiras e reducindo a fenda dixital”. Isabel Rodríguez puxo en valor a importancia de achegar a Administración aos colectivos máis vulnerables e de promover a súa participación activa no uso dos servizos públicos dixitais.
Ao final da visita, tanto os participantes como o equipo da Subdelegación valoraron moi positivamente esta actividade, que combina transparencia institucional, atención personalizada e formación útil para unha mellor relación coa Administración.
Jornada de portas abertas
Este venres 23 de maio as portas da Subdelegación de Lugo estarán abertas para a poboación xeral. As persoas interesadas en coñecer de cerca o seu funcionamento poderán participar nunha visita guiada a partir das 11 horas, ata completar aforo.