Pontevedra, 19 de maio de 2025.- O subdelegado do Goberno en Pontevedra, Abel Losada, clausurou hoxe a xornada Violencia Económica contra a Muller, impartida polo delegado da Axencia Estatal de Administración Tributaria (AEAT), Daniel Gómez Aragón, na que se debullaron as distintas vertentes deste preocupante fenómeno, que forma parte do concepto legal da violencia de xénero. A xornada contou coa asistencia dun centro de profesionais e representantes de colectivos relacionados coa atención ás mulleres chegados de toda a provincia.
Abel Losada advertiu de que a violencia de xénero ten moitas caras e é preciso desenmascaralas todas. “A económica, o control do diñeiro, é unha delas e exprésase de moitas maneiras, desde a maneira de presentar a declaración da renda, ao deber de asinar papeis de empresa ou o control dos sistemas de identificación dixital”. “O importante é que recoñezamos o rostro deste tipo de violencia e, unha vez detectada, actuemos pronto”, afirmou Losada. O subdelegado engadiu que aínda que a redución da hendidura salarial e a incorporación da muller ao mundo laboral é unha clara medida de empoderamiento “e estamos mellor que cando as mulleres tiñan que pedir permiso ao marido para abrir unha conta bancaria, non podemos baixar os brazos; hai que estar alerta”.
Gómez Aragón explicou que a violencia económica está incorporada á definición da Lei Orgánica 1/2004 de Medidas de Protección Integral contra a Violencia de Xénero e implica o control financeiro das vítimas por parte dos agresores. Por tanto, está ao lado da violencia física, sexual, vicaria, cíber, verbal, social ou ambiental. En este sentido adiantou que hai dúas semanas puxéronse en funcionamento os puntos violeta das sedes da Axencia Tributaria en Pontevedra e Vigo. Están dotados con persoal específico permanente e contan cun espazo físico discreto para garantir a confidencialidade.
En plena campaña de presentación da Declaración da Renda delegado da AEAT advertiu dos riscos asociados ao IRPF, entre eles os que se derivan da presentación da declaración conxunta. Abundou en que llo resultado é a devolver só o declarante principal recibe o ingreso. Por contra, se o resultado é a ingresar e o ingreso non se realiza xérase unha débeda compartida. A declaración conxunta tamén pode significar a perda do dereito a algunhas deducións. Tamén no caso de presentación conxunta sen vínculo matrimonial poden darse circunstancias que prexudican ás mulleres. Por contra, a tributación individual elimina riscos financeiros, preserva as deducións individuais e habilita o mecanismo de suspensión entre cónxuxes. Advertiu, ademais, de que os bens gananciales responden directamente fronte á Facenda pública e explicou as diferenzas en caso de separación legal e separación de feito.
Gómez Aragón analizou tamén os riscos vinculados á recadación para a muller no caso de ser nomeada como administradora de sociedades da súa parella. Falou das situacións concretas relativas ás sociedades sen actividade, con infraccións ou incursas en casos de ocultación de bens. Deixou clara a diferenza entre a figura da administradora de dereito e o administrador de feito, así como das responsabilidades subsidiarias e solidarias polas débedas ou falta de pagamentos nas empresas.
Ademais alertou sobre os riscos vinculados coa Administración electrónica polo uso indebido ou consentido de sistemas de identificación dixital como o DNI electrónico, cl@ve, Certificado da Fábrica Nacional de Moeda e Timbre, o número de referencia (RENO) na campaña da Renda ou a través da institución legal do apoderamento electrónico.
A Semana de Administración aberta concluirá o vindeiro luns cunha xornada de portas abertas na Subdelegación para achegar a acción do Goberno do Estado a un grupo de alumnado de Primaria do colexio Froébel dentro do contexto do “mapa administrativo territorial” español. Ademais, a xornada estará complementada cunha formación en ciberseguridade a cargo da Policía Nacional.