El subdelegado do Goberno en Ourense, Eladio Santos, felicitou este xoves aos colleiteiros presentes na 62ª edición da Feira do Viño de Ribadavia por facer posible que a Denominación de Orixe do Ribeiro sexa “sinónimo de autenticidade e de prestixio, dentro e fóra das nosas fronteiras”.
Durante a súa intervención na inauguración da Feira do Viño do Ribeiro de Ribadavia, Santos puxo en valor a Denominación de Orixe “máis antiga de Galicia”. “Celebramos un produto moi premiado, pero tamén unha historia, unha cultura e unha maneira de entender o vínculo coa terra”, subliñou.
El subdelegado do Goberno animou a veciños, veciñas e visitantes a gozar de catro días de celebración “con responsabilidade, con alegría e co orgullo de saber que o que aquí celebramos é froito de séculos de dedicación, saber facer e paixón polo noso”. “Esta non só é unha cita imprescindible no calendario gastronómico nacional, senón tamén un símbolo de identidade e de esforzo”, engadiu.
Eladio Santos asegurou que o Goberno de España seguirá apoiando ao sector vitivinícola galego. “O obxectivo e coidar as tradicións e o noso inigualable produto para seguir creando emprego e para fixar poboación no rural”, remarcou.
En este sentido, lembrou que o Ministerio de Agricultura, Pesca e Alimentación aprobou este ano/este ano transferir a Galicia 1,3 millóns de euros en 18 programas de promoción do viño en terceiros países, dentro do Plan Estratéxico da Política Agraria Común 2023-2027. Destes fondos, indicou, beneficiarase especialmente a provincia de Ourense, que ten catro das cinco Denominacións de Orixe de Galicia.