La subdelegada do Goberno en Lugo, Isabel Rodríguez, mantivo un encontro coa delegación oficial da República do Congo, encabezada polo secretario permanente do Ministerio de Mocidade e Deportes, Kaba-Mboko Prince Michrist, e o conselleiro municipal e departamental Kouloumbou Bouanga Jule Pauldi. La reunión celebrouse no marco da misión institucional organizada polo Concello de Negueira de Muñiz, coa finalidade de reforzar as relacións bilaterais e explorar novas oportunidades de colaboración.
Durante a reunión, Isabel Rodríguez puxo en valor as políticas públicas que se desenvolven en España para fomentar a empregabilidade xuvenil e o emprendimiento social, así como a formación das distintas especialidades sanitarias. Destacou tamén a importancia do deporte como ferramenta de inclusión e cohesión social, así como o papel fundamental do asociacionismo xuvenil para promover a participación cidadá e o diálogo intergeneracional.
A delegación congoleña mostrou especial interese por coñecer de primeira man os programas formativos e de innovación que se están impulsando desde as administracións públicas, co obxectivo de aplicar boas prácticas que favorezan o desenvolvemento da mocidade no seu país.
Esta misión oficial enmárcase nunha axenda de encontros estratéxicos da delegación congoleña en España, que inclúe reunións institucionais e visitas a centros de referencia en Galicia e noutras comunidades, para promover o intercambio de experiencias e fortalecer os lazos de cooperación internacional en materia de mocidade e deporte.