O delegado do Goberno en Galicia, Pedro Blanco, celebrou hoxe que 15 empresas en Galicia conseguisen 3,6 millóns de euros na última convocatoria do Programa “Misións de Ciencia e Innovación”, o que lles abre as portas a participar en 10 dos proxectos estratéxicos seleccionados polo Goberno nesta convocatoria pública e que superan os 23 millóns de investimento público-privada.
Pedro Blanco detallou hoxe o impacto en Galicia deste programa do Ministerio de Ciencia e Innovación, que xestiona o Centro para o Desenvolvemento Tecnolóxico e a Innovación-CDTI con fondos do Plan de Recuperación. En concreto, apuntou o delegado, “Galicia recibe preto do 7% dos fondos concedidos na última resolución deste programa, e alcanza o sexto posto entre as comunidades en volume de impacto económico”, permitindo a participación das empresas galegas nestas dez investigacións xunto con outras empresas e centros de investigación e universidades do resto de España.
Sobre os proxectos con participación galega, o delegado sinalou que abarcan sectores estratéxicos como a seguridade, saúde dixital, a construción eficiente, a sustentabilidade da industria alimentaria (tanto en produción como no envasado), ou a loxística. Destacan os proxectos de tecnoloxías disruptivas en áreas como a fotónica, aeroestruturas, computación cuántica, alimentaria, sensórica, emisións cero ou baixas emisións e intelixencia artificial.
Pedro Blanco destacou que “sete das empresas seleccionadas son pemes, o que dá mostra da capacidade e interese pola innovación que ten esta parte do tecido empresarial de Galicia”. No que respecta aos sectores de actividade, destaca a presenza de empresas relacionadas co sector da madeira, a industria química ou a tecnolóxica.
En total, o Ministerio de Ciencia e Innovación concedeu nesta convocatoria 83,5 millóns de euros de subvencións para impulsar 49 proxectos no conxunto de España, que mobilizarán un investimento público-privada de 134,7 millóns de euros. En caso de Galicia, os proxectos nos que participan as empresas galegas mobilizarán 23 millóns de euros, dos que 14 millóns son achegados polo Goberno de España dentro desta convocatoria.
EMPRESA-PROXECTO-SUBVENCIÓN
AEROMEDIA UAV SL. Sistema avanzado de extinción de incendios rurales mediante UAVS e Inteligencia Artificial. 232.276,00 €
SYSPRO AUTOMATION SLU. Proceso de soldadura avanzada para a fabricación de aeroestructuras de composite termoplástico. 313.344,08 €
ADEGAS VALMIÑOR SL. Investigación en tecnoloxías sustentables aplicadas ao proceso de fermentación alcohólica para avanzar cara a unha industria vitivinícola de calidade e segura. 220.894,50 €
FUJITSU TECNOLOGY SOLUTIONS SA. Computación cuántica e IA para revolucionar a excelencia e a dixitalización no sector saúde.395.044,00 €
FINANCEIRA MADEIREIRA. Solucións en madeira estrutural integralmente biobaseadas impulsando o aproveitamento da masa forestal e o sector da construción sustentable. 440.026,20 €
MADEIRAS BESTEIRO SL. Solucións en madeira estrutural integralmente biobaseadas impulsando o aproveitamento da masa forestal e o sector da construción sustentable. 169.119,00 €
INDUCTEC ENXEÑEIROS. Solucións en madeira estrutural integralmente biobaseadas impulsando o aproveitamento da masa forestal e o sector da construción sustentable. 84.708,00 €
TÉCNICAS DE SOFT, SA. Solucións en madeira estrutural integralmente biobaseadas impulsando o aproveitamento da masa forestal e o sector da construción sustentable. 282.230,26 €
INDUSTRIAS PROA SA. Rehabilitación de edificios basada en materiales sostenibles. 254.760,01 €
SPARC FOUNDRY SL. CIRCULARPHOTONICS: Investigación e desenvolvemento de tecnoloxías fotónicas innovadoras para a súa aplicación en sensores e quiralidad molecular. 189.975,00 €
SPARC FOUNDRY SL. Circuíto fotónico integrado híbrido reprogramable unificado para aplicacións de telecomunicacións cuántica, sensórica e sistemas de espcio e seguridade.160.580,60 €
OPTASE SOLUTIONS, SA. Investigación en sistemas de acristalado intelixentes energéticamente eficientes, transparentes e con acceso a tecnoloxías móbiles. 208.766,74 €
SISTEMAS INTEGRADOS DE SERVIZOS DE TELECONTROL SL. Investigación en sistemas de acristalado intelixentes energéticamente eficientes, transparentes e con acceso a tecnoloxías móbiles. 244.886,78 €
ENCE ENERXÍA E CELULOSA SA. Envases alimentarios do futuro sustentables, renovables e eficientes baseados en biomateriais.303.540,47 €
KALEIDO SCM SL. Investigación en automatización e flexibilidade para contornas loxísticas máis seguros e intelixentes. 153.018,78 €
TOTAL GALICIA: 3.653.170,42 €