O delegado do Goberno en Galicia, Pedro Blanco, destacou o intenso traballo do Ministerio de Transportes e Mobilidade Sustentable para cumprir con Ferrol e avanzar nas obras de humanización da avenida dAs Pías, que entran xa na súa recta final. “Somos un Goberno comprometido coa comarca de Ferrol, mellorando as comunicacións pero tamén impulsando o sector naval, conservando o patrimonio e promovendo o turismo sustentable, e non imos parar aquí, porque este Goberno está ao importante: a devolver o sorriso a Ferrol e aos seus veciños e veciñas”, sinalou o delegado, que supervisou a posta en servizo do novo tramo entre a FE-11 e Marques de Santa Cruz acompañado do alcalde de Ferrol, José Manuel Rey.
Pedro Blanco indicou que con este novo fito, que dá continuidade ao tramo inaugurado o pasado 11 de marzo entre Pórtaa Nova e a glorieta da FE-11, “seguimos mellorando a conectividade dos barrios, para que non vivan de costas uns aos outros como ata agora, e a facer unha cidade máis humana, máis verde e por tanto máis agradable”, sinalou o delegado, que lembrou que o investimento na transformación da principal vía de entrada a Ferrol alcanza os 11 millóns de euros, financiados con cargo aos fondos do Plan de Recuperación do Goberno.
Durante a súa intervención, o delegado tamén aproveitou para felicitar ás empresas e ao persoal de Estradas por este novo fito, “un traballo que é exemplo de como se debe xestionar este tipo de proxectos: de forma integral e en colaboración permanente co Concello e cos sectores afectados da cidade”, e para destacar que con esta actuación, “un exemplo de integración urbana”, o Goberno “está a dar resposta a unha demanda histórica da veciñanza”.
Segundo tramo da humanización dAs Pías
Hoy púxose en servizo o tramo da avenida das Pías (FE-14) entre a glorieta de conexión coa FE-11 estrada da Trincheira e a Avenida de Esteiro e a glorieta na intersección co eixo formado pola Avenida Marqués de Santa Cruz e a Avenida Salvador Allende Gossens.
Se inclúe na posta en servizo a Avenida Marqués de Santa Cruz - Avenida Salvador Allende Gossens e a nova glorieta na intersección destas vías coa FE-14, co que, xunto á rúa Nova de Caranza e a estrada da Trincheira FE-11, previamente abertas, restitúense as 3 vías que dirixen o tráfico perpendicularmente á Avenida das Pías e que se viron afectados nalgún momento.
La apertura deste segundo tramo supón un cumprimento dos compromisos adquiridos polo Ministerio de Transportes e Mobilidade Sustentable sobre a secuencia de aperturas ao tráfico das obras, consistindo a próxima fase na apertura completa, peonil e vehicular, de todo o itinerario afectado previamente polas obras.