A Delegación do Goberno en Galicia acolle hoxe unha xornada de formación sobre as funcionalidades do sistema VIOGEN 2 do Ministerio do Interior para a o seguimento de casos de mulleres vítimas da violencia de xénero. En toda Galicia, son un total de 134 efectivos do Corpo Nacional de Policía, Garda Civil e Policías Locais de Galicia (52 deles na provincia da Coruña) os que están a recibir esta formación específica a cargo de técnicos e técnicas da Secretaría de Estado de Seguridade. Fai falta destacar que Galicia é a primeira comunidade na que se está impartindo esta formación específica.
A Delegación do Goberno, a través da Unidade de Coordinación sobre a Violencia sobre a Mujer, e en colaboración coas Oficinas contra a Violencia sobre a Muller das catro subdelegacións do Goberno, organizou esta formación que se imparte en formato de videoconferencia nas catro provincias de forma simultánea. Ao longo da mañá abordan os aspectos prácticos das novas funcionalidades e como facer uso de todas as novidades que ofrece o VIOGEN 2 para proporcionar unha mellor protección a estas mulleres. Todas as compareces asistentes, nos/nolos seus respectivos corpos e concellos, son responsables do seguimento dos casos que están rexistrados neste sistema policial.