El delegado do Goberno en Galicia, Pedro Blanco, agradeceu á Unidade Militar de Emerxencias (UME) o “labor imprescindible” que realiza en Galicia, protexéndoa contra os incendios forestais cada verán e ante calquera emerxencia. Pedro Blanco mantivo unha reunión de traballo no seu despacho co xefe do Quinto Batallón de Intervención e Emergencias de la UME, o tenente coronela Daniel Constantino Casado.
Pedro Blanco analizou con Casado a preparación da próxima campaña de verán contra os incendios forestais en Galicia, que a UME está a preparar estes días en Mazaricos e Carnota. Os traballos consisten na posta en común de métodos, técnicas e tácticas que se utilizan na extinción de incendios forestais. Así mesmo, execútanse prácticas con emprego de lume técnico en terreo forestal.
A UME realiza estas prácticas colaborando coa Dirección Xeral de Defensa do Monte da Xunta de Galicia, con quen comparte coñecementos para asegurar a defensa do monte galego nos próximos meses. A este respecto, o delegado destacou a importancia da colaboración entre as diferentes administracións para xerar unha Galicia máis segura e protexida, onde a prevención e a defensa contra os incendios permitan un verán tranquilo.
Este encontro pertence ao grupo de actividades de preparación conxunta con operativos das diferentes comunidades que se atopan na área de actuación preferente do Quinto Batallón. Pedro Blanco agradeceulles a todos eles, ademais da todos os profesionais que integran a UME, o seu exemplar desempeño nos traballos derivados de dánaa en Valencia, destacando a súa presenza en todos os aspectos, desde rescatar nos momentos de emerxencia aos labores de recuperación e reconstrución posteriores. “Sodes un exemplo de solidariedade, un alicerce sólido e fiable co que toda a cidadanía española e galega pode contar”, apuntou o delegado.