El delegado do Goberno en Galicia, Pedro Blanco, animou á mocidade galega a solicitar as bolsas do Ministerio de Educación, Formación Profesional e Deportes para o curso 2025/2026, que están dotadas de 2.544 M€. Pedro Blanco deu conta dos detalles desta convocatoria, que estará aberta desde este luns ata o 14 de maio e dispoñible para a súa tramitación na sede electrónica do Ministerio.
Pedro Blanco lembrou o esforzo do Ministerio que encabeza Pilar Alegría, a quen agradeceu a súa dedicación, xa para o presente curso, no que o alumnado galego percibiu 132 M€, o que supón incrementar nun 59% os fondos en oito anos. “El Goberno está á beira dos e das estudantes galegos, garantindo que poidan formarse e mellorar o seu futuro, que é o de todos e todas”, apuntou o delegado. En este sentido, destacou que o Goberno de España subiu en máis dun 47% o importe medio das bolsas en Galicia desde o curso 2017/2018, de tal forma que as familias galegas pasaron de percibir de media 1.792,32 euros no curso 2017/2018, a 2.637,44 euros na última convocatoria pechada, deste mesmo curso.
O delegado destacou o mencionado investimento nacional desta nova oferta de bolsas, un total de 2.544 millóns de euros, a cifra máis elevada da historia. Isto supón un aumento do 80% nos fondos destinados a bolsas de estudo que no curso 2017/2018. Trátase do oitavo incremento consecutivo na partida destinada polo Goberno a bolsas, que aumentou en máis de 1.100 millóns de euros desde o 2017.
Detalles das axudas
Ás axudas abertas desde mañá están convocados os alumnos e alumnas que vaian cursar bacharelato, Formación Profesional, ensinos artísticos, deportivos, de idiomas ou estudos universitarios, entre outros. Deberán cubrir unha serie de datos provisionais, que poderán modificar máis adiante, e deberán facer aínda que non saiban aínda as notas que obterán este curso, que estudos van cursar no que vén ou se van a continuar coa súa formación.
O delegado apuntou que a contía asociada á residencia volve mellorar de face ao curso que vén cun incremento de 200 euros, o que a sitúa en 2.700 euros (na convocatoria 2023-2024 pasou de 1.600 a 2.500 euros). Esta medida conta cun gran impacto no rural de Galicia pola súa dispersión poboacional. Outra novidade é a que beneficia ao alumnado de estudos superiores de ensinos artísticos, que este curso pasa a ser considerado para todos os efectos alumnado universitario a través da Lei de Ensinos Artísticos aprobada o pasado ano. Isto garántelles un acceso ás bolsas en igualdade de condicións que o resto dos e das estudantes.
También aumentan nun 25% as contías fixas para aqueles alumnos e alumnas universitarios ou de ensinos artísticos superiores que acrediten unha discapacidade do 25% ao 65%, unha medida que complementa á que xa se aplica ao alumnado con discapacidade igual ou superior ao 65%. Por último, flexibilízanse os requisitos académicos para aquelas persoas maiores de idade que acrediten a condición de vítimas de violencia sexual, para equiparalas ás persoas menores de idade en igual situación e ás vítimas de violencia de xénero.
No relativo á convocatoria de axudas ao estudo para alumnas e alumnos con necesidades específicas de apoio, o Ministerio sinala que a súa apertura terá lugar nos próximos meses, antes da chegada das vacacións estivais.