El delegado do Goberno en Galicia, Pedro Blanco, destacou hoxe a estreita colaboración do Goberno de España e o Concello de Rianxo para mellorar os servizos públicos municipais, onde leva investidos preto de 2 millóns de euros. Pedro Blanco mantivo esta mañá unha reunión de traballo co alcalde de Rianxo, Julián Bustelo, que estivo acompañado polo concelleiro de Obras, José Alberto Angueira.
Pedro Blanco puxo en valor o “compromiso municipalista” do Goberno de España que se ejemplifica nos proxectos que leva a cabo en Rianxo para avanzar en materia de transición ecolóxica e dixital, así como na promoción turística da vila.
Así, analizaron o impacto que está a ter o Plan de Recuperación no concello e que permitiu modernizar e renovar a biblioteca do Pazo de Martelo, achegar a extensión de banda larga á totalidade do municipio ou realizar campañas de promoción turística.
En esta liña, o delegado subliñou a importancia de que os fondos do Plan de Recuperación cheguen a todos os concellos, incluíndo os máis pequenos, tanto para rehabilitar o seu patrimonio, como para mellorar servizos ou aproveitar o seu potencial turístico. “Trátase de garantir ás persoas que viven nos concellos costeiros e rurais un futuro no que conten coas mesmas oportunidades para toda a súa veciñanza”, indicou.
El delegado aproveitou a reunión co alcalde e co concelleiro para facer fincapé no compromiso que o Goberno ten con Rianxo. Lembrou, neste sentido, as celebracións este ano 2025 polo 75 aniversario do rianxeiro Afonso Daniel Rodríguez Castelao. Durante a reunión, o delegado e o alcalde estudaron a posibilidade de cooperar en novas iniciativas do concello co obxectivo común de “seguir transformando o municipio”.