El delegado do Goberno en Galicia, Pedro Blanco, presidiu hoxe nA Coruña un acto de condena polo último asasinato machista cometido o pasado domingo en Benalmádena (Málaga). Durante o acto, ao que tamén asistiu a subdelegada do Goberno nA Coruña, María Rivas, gardouse un minuto de silencio en memoria de Catalina e en apoio á súa familia e achegados.
Pedro Blanco lamentou a desgraza que supón este crime, lembrando as palabras do presidente do Goberno quen cualificou cada morte a mans da violencia machista como "unha derrota da nosa democracia” e reiterou o compromiso do Goberno de seguir traballando, man a man co resto da sociedade, na erradicación desta violencia.