La subdelegada do Goberno nA Coruña, María Rivas, presidiu esta mañá xunto á alcaldesa, Inés Rey, a reunión común da Xunta Local de Seguridade da Coruña que se celebrou no concello. En ela fíxose unha análise da seguridade cidadá na que participan conxuntamente o corpo Nacional de Policía e a Policía Local e tamén se estudaron os datos referentes á violencia de xénero.
Tanto as forzas e corpos de seguridade do Estado como a subdelegada fixeron unha análise positivo cos datos referentes á seguridade: “nA Coruña está a traballarse moi ben, proba disto son estas cifras positivas que se están conseguindo e que son, en gran parte, pola magnífica colaboración entre as diferentes forzas de seguridade”. Na xunta fixeron referencia ao traballo colaborativo da Policía Nacional e a Local, que traballan man a man desde hai anos facendo dispositivos conxuntos e mantendo reunións periódicas nas que intercambian información de interese policial e coas que coordinan os mais de 30 dispositivos que se realizaron o ano pasado en eventos deportivos, así como cos relacionados co lecer como as festas dos barrios, cabalgatas ou Sano Xoan, entre outros.
VIOGÉN
María Rivas resaltou que a cidade da Coruña recibiu, desde o ano 2018 máis de 500 mil euros con cargo aos fondos do pacto do Estado para levar a cabo actuacións en materia de sensibilización e concienciación na loita contra a violencia de xénero: “mais de medio millón de euros para todo tipo de actividades de concienciación e sensibilización na loita contra todo tipo de violencias contra as mulleres”.
Neste asunto insistiron na colaboración entre a subdelegación do Goberno, o concello da Coruña e as forzas de seguridade do Estado, que se concreta no traballo conxunto á protección das vítimas a través do Sistema VioGén.
“Neste sentido tamén son moi importantes os puntos violeta, cos que conseguimos loitar contra este problema” engadiu Rivas, que son un instrumento promovido polo Ministerio de Igualdade cos que “a cidadanía pode acceder á información para actuar correctamente ante un caso de violencia”.
Esta actuación forma parte do catálogo de medidas urxentes do Plan de mellora e modernización impulsado polos diferentes ministerios do Goberno de España: “isto supón un cambio de enfoque nas políticas públicas de atención ás vítimas porque, non debemos esquecer, a violencia machista é un problema estrutural que require a implicación da sociedade para acabar con ela”.