El subdelegado do Goberno en Ourense, Eladio Santos, e o alcalde de Verín, Gerardo Seoane, copresidieron a Xunta Local de Seguridade na que se analizou a situación da seguridade cidadá no municipio, os casos de violencia de xénero, o Plan Director para a Convivencia nos centros educativos e coordinouse o dispositivo de seguridade de face ás próximas celebracións do Entroido.
En cuanto a a seguridade cidadá, a Garda Civil fixo repaso dos datos referentes ao ano pasado, nos que se observa unha estabilización en relación a períodos anteriores e, mesmo, un pequeno descenso; destacando o incremento do esclarecemento de delitos por parte dos axentes. En cifras, a comarca rexistrou 289 delitos graves ou menos graves, dos cales 137 foron esclarecidos.
No entanto, seguindo a mesma tendencia que no resto da provincia, Verín está a sufrir un aumento de ciberdelitos, aos que fai fronte, xunto ao Comandancia de Ourense, a unidade da Garda Civil en Verín, que resolve delitos e ciberdelitos a pequena escala, e que está a esclarecer o 30% dos casos adscritos a esta compañía.
En relación á violencia de xénero, o cuartel de Verín está a detectar un incremento de casos; “o que non indica que haxa máis delitos deste tipo, senón que a Garda Civil e a sociedade en xeral está a axudar a que se visibilicen máis para que poidan actuar as forzas de seguridade. O dato positivo é que se denuncia máis e esclarécense máis casos”, destacou o subdelegado.
Pola súa banda, a Policía Nacional fixo fincapé no aumento de expedientes que se está rexistrando na súa oficina de Verín, tanto de tramitación de NIE, DNI, pasaporte e solicitudes de asilo, nos que se atopan traballando oito axentes.
Ademais, nesta Xunta Local tamén se fixo repaso das actuacións preventivas enmarcadas na aplicación do Plan Director para a Convivencia e Mellora da Seguridade nos Centros Educativos e nas súas contornas, que procura evitar condutas violentas e hábitos adictivos entre os máis pequenos.
Por último, o Concello de Verín expuxo as liñas mestras do seu dispositivo de seguridade de face ás celebracións no municipio do Entroido 2025 e estableceuse a coordinación entre Garda Civil, Policía Local e Protección Civil durante estes festexos. Eladio Santos destacou a “experiencia dilatada” dos procedementos que se aplican, tanto nas xornadas previas como durante os días grandes de celebración.
Ademais, valorando os bos resultados do ano pasado, no que se produciron moi pouco intervencións das forzas de seguridade e de asistencia sanitaria, o subdelegado asegurou que “confiamos en que empregando a mesma metodoloxía este ano/este ano tamén sexa tranquilo, pero festivo á vez, porque o importante é que a xente goce do Entroido de Verín”, concluíu.
Xunto ao subdelegado e o alcalde, na reunión tamén estiveron presentes representantes da Xunta de Galicia; Garda Civil, Policía Local e Protección Civil de Verín; así como a xefa da Unidade de Violencia contra a Muller da Subdelegación do Goberno, Alida Iglesias.