El delegado do Goberno en Galicia, Pedro Blanco, participou este sábado no acto de homenaxe a Castelao, no que reivindicou a súa figura como “patrimonio de todos os galegos e as galegas”.
En o acto, no que tamén interviñeron o alcalde de Rianxo, Julián Bustelo, e o presidente da Fundación Castelao, Miguel Anxo Seixas, e que incluíu unha ofrenda floral, o delegado indicou que divulgar o seu legado “é a mellor forma de renderlle homenaxe”. En este sentido, destacou a súa loita pola democracia e pola procura dunha sociedade máis igualitaria, “reivindicacións que seguen igual de vixentes que hai un século ante discursos negacionistas”, apuntou.
Pedro Blanco tamén alertou sobre as ameazas á nosa cultura como pobo e ao noso idioma “polo deixamento das institucións que deben velar por el e que prefiren mirar cara a outro lado”. A este respecto, chamou a ter presente as palabras do político e intelectual rianxeiro, que dicía que “un pobo sen cultura é un pobo escravo”.
No seu intevención, o delegado tamén lembrou que o Goberno “saldou con Castelao parte da enorme débeda que todos mantemos con el” recoñecendo a súa figura dedicándolle a homenaxe ás vítimas da Guerra Civil e da Ditadura no ano 2023. “Un home que desde a política e a creación artística e literaria traballou coa mirada no ben común, e por un obxectivo que desde este Goberno compartimos, como é o de mellorar a vida das persoas, de todas”, abundou.
“O seu legado político e artístico é hoxe patrimonio de Galicia e con este acto de homenaxe non facemos senón agradecer o moito que significou na historia deste pobo, Rianxo; pero tamén do seu pobo con maiúsculas: o galego”, concluíu Pedro Blanco.