La subdelegada do Goberno nA Coruña, María Rivas, reafirmou esta mañá nunha visita a Abegondo que “o Plan de Recuperación do Goberno está a chegar a todo o territorio” e puxo a este municipio como exemplo do impacto deste Plan na modernización dos concellos, na sustentabilidade ambiental e na mellora da calidade de vida da veciñanza, e como se fai en colaboración cos gobernos locais.
A subdelegada supervisou, xunto con o alcalde do municipio, José Antonio Santiso, as obras que se levan a cabo na remodelación do predio ‘Os Loureiros’. Rivas puxo en valor a importancia que teñen este tipo de axudas do programa PIREP (Programa de Impulso á Rehabilitación dos Edificios Públicos), do Ministerio de Vivenda e Agenda Urbana e que permiten “recuperar e rehabilitar de forma sustentable edificios tan importantes para o noso patrimonio como é o do predio 'Vos Loureiros'.
O proxecto, que comezou en 2024 e está a piques de finalizar a súa execución, contou cun investimento total de 1,55 millóns de euros. “Traballamos para que os veciños e as veciñas de Abegondo teñan acceso a unhas instalacións dignas e prácticas e, para corroborar, apoiámonos neste tipo de proxectos que non só supoñen un avance no tecido asociativo de Abegondo senón tamén unha mellora na calidade de vida da veciñanza” apuntou Rivas.
Con o apoio do Goberno é posible converter este edificio de principios do século XX no novo Pazo da Cultura de Abegondo. “Este tipo de axudas permiten ao concello facer fronte a unha actuación que sería imposible unicamente cos recursos municipais”, destacou.
Las obras consisten na remodelación e rehabilitación do palacete principal e do pavillón anexo, incorporando criterios de eficiencia enerxética mediante a instalación de paneis fotovoltaicos e de sistemas de captación de almacenamento da auga da choiva. “O obxectivo que se persegue con este tipo de rehabilitacións é manter a arquitectura orixinal da vila colonial incorporando elementos innovadores e eficientes pero que respecten a contorna, asegurando un espazo funcional e respectuoso co medio ambiente”, engadiu a subdelegada.
Impulso á rehabilitación nos concellos da Coruña
María Rivas sinalou que na provincia da Coruña o PIREP local inxecta 11.730.184,13 euros a dez concellos para financiar a rehabilitación de 11 edificios da súa titularidade. No concello de Santiago o Pirep financia dúas obras (3.319.427 euros para mellorar as instalacións deportivas de Vite e de Santa Isabel). En Cambre a rehabilitación do polideportivo municipal con 1.591.590 euros; en Betanzos o Mercado de Abastos con 1.482.081 euros; en Porto do Son a Casa do Río con 241.537,50 euros; en Ribeira a restauracion da Casa do concello con 2.836.394 euros e en Teo a reforma integral escola de Cacheiras con 407.774 euros.
Ademais, o Pirep fixo posible a rehabilitación do local veciñal de Serantes en Ferrol con 215.777 euros, a rehabilitación enerxética da Casa do concello de Bergondo con 457.016 euros e a rehabilitación do Pazo de Martelo e Biblioteca Municipal de Rianxo con 978.710 euros. As tres xa executadas e inauguradas pola propia subdedelegada do Goberno recentemente.
“Falamos de proxectos nos que ten un peso moi importante en sustentabilidade ambiental, pois un dos obxectivos do Programa é promover edificios públicos máis eficientes energéticamente xunto con a accesibilidade e a calidade arquitectónica”, subliñou a subdelegada.
E engadiu: “pero, sobre todo, falamos de proxectos que supoñen un antes e un despois para os servizos públicos que dan os municipios no noso país e por tanto nesta provincia. Nese sentido, a subdelegada remarcou “a dimensión social e o impacto para a cidadanía e os servizos públicos” das axudas concedidas polo Ministerio de Transportes, que permitirán rehabilitar polideportivos, centros sociais, escolas e mercados municipais.
“Somos un Goberno municipalista e o Programa de Impulso á Rehabilitación de Edificios Públicos (PIREP) é unha boa mostra de como apoiamos aos municipios para que dispoñan de infraestruturas e medios para ofrecer servizos de calidade aos seus veciños e veciñas”, concluíu María Rivas.