O delegado do Goberno en Galicia, Pedro Blanco, destacou o esforzo do Goberno para fomentar a creación de emprego verde que dea resposta ás demandas e necesidades do tecido empresarial galego e contribúa á transición cara a un modelo máis sustentable e respectuoso co medio. En este sentido, puxo en valor a recente resolución das axudas para impulsar a formación e a contratación de persoas no marco do Programa Empleaverde+, promovido pola Fundación Biodiversidade do Ministerio para a Transición Ecolóxica e o Reto Demográfico (MITECO), que deixan 1.785.904,43 euros en subvencións para nove proxectos en Galicia.
Como explicou o delegado, “son fondos que van facilitar a moitos galegos e galegas o acceso e adaptación ao mercado laboral, o fomento da reciclaxe profesional e o emprendimiento verde”. Ademais, apuntou que, a pesar de que é a Xunta a que ten as competencias de emprego en Galicia, “é o Goberno o que, con este tipo de iniciativas o que fomenta a creación de máis e mellor emprego”, á vez que celebrou que España presente “os mellores datos de ocupación da súa historia”. Por iso pediu á Xunta “que execute todas as medidas que sexan necesarias para acompañar ao Goberno neste camiño”.
En relación cos proxectos a desenvolver no marco do programa Empleaverde+, Pedro Blanco indicou que o importe total dos mesmos é de 2,85 millóns de euros dos que o Goberno, co financiamento do Fondo Social Europeo Plus (FSE+), achega algo máis do 60%, mentres que as 14 entidades que os promoven, entre as que figuran empresas, administracións públicas, asociacións, fundacións, ONG, sector académico, asociacións empresariais e profesionais ou sindicatos, serán as que completen o resto do investimento.
En cuanto a as temáticas, sinalou que son iniciativas que darán resposta aos crecentes desafíos ambientais que enfronta o sector forestal; accións destinadas a mellorar habilidades e emprendimiento en ecoturismo; formación en agricultura e gandaría sustentable; capacitación dirixida as mozas en risco de exclusión social ou as mulleres do ámbito rural, ou a facilitar a substitución xeracional en diferentes sectores a través da economía circular, entre outras.
No conxunto do país, o importe destas axudas ascende a 29,7 millóns de euros a repartir entre 64 proxectos de capacitación que se prevé poidan permitir a formación de máis de 13.000 persoas, das cales máis de 7.500 son persoas traballadoras e 4.800 son despedidas, e xerar máis de 350 novas contratacións.