Pedro Sánchez visita a caseta de Galicia en FITUR e destaca a aposta do Goberno por un turismo sustentable e de calidade

El presidente do Goberno, Pedro Sánchez, acompañado polo delegado do Goberno en Galicia, Pedro Blanco, visitou hoxe a caseta de Galicia en Fitur, onde destacou a aposta por un turismo sustentable e de calidade baseado nos excelentes recursos de Galicia e respectuoso coa súa contorna.

Ambos destacaron os máis de 220 millóns de euros que inviste o Goberno na promoción, modernización e mellora da oferta turística en Galicia da man do Plan de Recuperación. “Son fondos que están a permitir a posta en valor das enormes riquezas gastronómicas, culturais e patrimoniais que temos na comunidade, facendo do noso territorio un espazo máis atractivo para quen o visita, pero tamén mellor para a xente que aposta por desenvolver aquí o seu proxecto de vida”, indicou Pedro Blanco.

Posteriormente, o delegado acompañou á alcaldesa de Lugo, Paula Alvarellos, e ao presidente da Deputación, José Tomé, na presentación da campaña ‘Provincia de Lugo: mergúllache na maxia das súas augas’, impulsada por ambas as institucións.

El delegado animou a coñecer de primeira man a oferta turística galega e ás súas xentes, “o mellor que temos en Galicia”, á vez que felicitou ao Concello de Lugo e á Deputación provincial por esta campaña “que non fai senón mostrar ao mundo a beleza da provincia de Lugo, da que en Galicia xa somos bos coñecedores”.