El delegado do Goberno en Galicia, Pedro Blanco, apoiou hoxe en Fitur a presentación da 17ª edición da guía turística gastronómica da provincia de Lugo ‘…E para comer Lugo’, que edita a Asociación Provincial de Empresarios de Hostalaría e Turismo de Lugo.
Pedro Blanco felicitou aos promotores desta iniciativa e repasou o apoio do Goberno de España, a través do Ministerio de Industria, para a transformación da oferta turística de Galicia, e da provincia de Lugo, a través dos plans de sustentabilidade turística e outros investimentos que suman máis de 220 millóns de euros desde o fin da pandemia.
Este apoio, subliñou, ten unha vertente específica no turismo enogastronómico, como sucede no Plan Director de Turismo Gastronómico da Mancomunidade da Mariña, na modernización da oferta turística desde a gastronomía que se desenvolve co Concello de Lugo ou no apoio á incorporación de Viveiro ao proxecto 'Spain Culinary Villages', todos eles con investimentos do Goberno.