El delegado do Goberno en Galicia, Pedro Blanco, apoiou hoxe en Fitur a presentación da campaña promocional da Vía Verde Compostela-Tambre-Lengüelle, que, baixo o lema ‘Deportistas da Vía’, promove a Asociación de Concellos situados ao redor deste itinerario, que conecta Santiago con Cerdeda aproveitando o antigo trazado ferroviario.
Pedro Blanco felicitou aos responsables da Asociación e da Deputación da Coruña, entidade que apostou pola recuperación deste espazo para a cidadanía e pola súa posta en valor turística, converter en exemplo do turismo sustentable e dinamizador do territorio que defende o Goberno de España. E remarcou que un de cada dous concellos de Galicia están a se beneficiar desta transformación a través da súa participación nos 43 plans de sustentabilidade turística que están en marcha coa axuda do Goberno.
A estes valores, o delegado sumou a capacidade dos promotores de aproveitar as convocatorias do Goberno para facer posible este proxecto. Así, lembrou que percibiu investimentos do Goberno que se destinaron a sufragar parte da construción e tamén para mellorar o seu aproveitamento turístico, a través do Plan de Sustentabilidade Turística que financia o Ministerio de Industria e Turismo e no que inscribe a campaña presentada este mediodía.