El delegado do Goberno en Galicia, Pedro Blanco, celebrou hoxe as dúas convocatorias que abre a Xunta de Galicia con fondos do Pacto de Estado contra a Violencia de Xénero e que mobilizan 3,2 millóns de euros transferidos polo Goberno de España. Pedro Blanco puxo as dúas convocatorias que publica hoxe o DOG como exemplo de colaboración institucional, que é “o camiño para atallar a violencia de xénero e protexer as mulleres vítimas desta realidade na Comunidade Autónoma”.
El delegado valorou positivamente a publicación destas convocatorias, das que se poden beneficiar as entidades locais de Galicia. Estas liñas teñen como obxecto promover a contratación de mulleres vítimas da violencia machista e mellorar as instalacións e equipamentos dos Centros de Información á Mujer localizados nos concellos e mancomunidades de Galicia.
Desde o ano 2018, o Goberno de España destinou a Galicia preto de 84 millóns de euros a financiar accións de prevención e loita contra a violencia machista. O delegado sinalou que o orzamento destas axudas forma parte dos 11 millóns de euros o Goberno, a través do Ministerio de Igualdade, destinou o pasado ano a Galicia para a loita contra a violencia de xénero, no marco do Pacto de Estado. A transferencia foi acordada polo Ministerio de Igualdade e as comunidades autónomas na primeira reunión da Conferencia Sectorial de Igualdade da lexislatura.
A través de este acordo, a Comunidade Autónoma recibiu 11 millóns de euros, que, sumados aos transferidos desde a chegada ao Goberno de Pedro Sánchez, superan os 61 millóns de euros para políticas autonómicas derivadas do Pacto de Estado contra a Violencia de Xénero. Con estes fondos, “avanzamos xuntos en dar unha resposta integral, eficaz e coordinada de todas as institucións con competencias nesta materia, mantendo e mellorando os recursos, as prestacións e os servizos de protección, asistencia, apoio, recuperación e reparación das vítimas de violencia contra as mulleres, entre outras accións”.
O delegado do Goberno subliñou que foi o Goberno de Pedro Sánchez o que asumiu o compromiso económico de garantir a estabilidade e permanencia das políticas públicas e dos servizos que se derivan do Pacto de Estado contra a Violencia de Xénero. Desta maneira, “apontoamos as políticas públicas de igualdade en todo o territorio e garantimos un mínimo de dereitos a todas as mulleres do noso país, vivan na comunidade autónoma que vivan”, engadiu.