La subdelegada do Goberno nA Coruña, María Rivas, mantivo este mércores un encontro de traballo coa directora da sede da Universidade Nacional de Educación a Distancia (UNED) nA Coruña, Ana Mónica Novo, con quen repasou os traballos e obxectivos do centro para este novo ano.
En este sentido, a subdelegada destacou a enorme contribución deste centro á formación na provincia desde a súa sede da Coruña, no Centro Penal de Teixeiro (Curtis), onde ademais da formación durante todo o ano ofertan un curso de verán, e tamén no medio rural, onde a UNED conta cun programa pioneiro, a Universidade Sénior, que está a ter moi boa acollida.
María Rivas tamén agradeceu a Ana Mónica Nuevo a contribución da UNED á integración das persoas con diversidade funcional (o 40% das persoas con discapacidade estuda na UNED) e tamén a colaboración na realización das probas das oposicións da Administración Xeral do Estado ou nas prácticas de criminoloxía nas comisarías da Policía Nacional e Garda Civil en Lonzas, unha colaboración que tanto a subdelegada como a directora da UNED nA Coruña acordaron reforzar explorando novas liñas de actuación.