Pedro Blanco subliña que a nova base da BRIF de Laza que constrúe o Goberno suporá un salto cualitativo no operativo de prevención e loita contra os incendios forestais en Galicia

15/01/2025

Supervisa as obras que executa o Goberno desde o pasado mes de agosto a través da empresa Tragsa nas que inviste preto de 5,8 millóns de euros do Plan de Recuperación Subliña o impacto das BRIF no desenvolvemento social e económico e na demografía dos territorios onde se sitúan, e o convencemento de que esta mellora actuará como dinamizador económico da zona Avanza que o Goberno está a preparar o dispositivo para este verán, que despregará medios e materiais para cooperar co Goberno Autonómico na protección dos recursos forestais e naturais de Galicia El delegado recoñeceu a gran achega do persoal da BRIF de Laza nas tarefas de limpeza e asistencia humanitaria desenvolvida polo Goberno nos concellos valencianos afectados pola DANA

El delegado do Goberno en Galicia, Pedro Blanco, subliñou hoxe en Laza (Ourense) que a nova base da BRIF que o Goberno está a construír nesta localidade suporá un salto cualitativo no operativo de prevención e loita contra os incendios forestais en Galicia. Pedro Blanco desprazouse hoxe ata Laza para supervisar a execución desta nova base na que o Ministerio para a Transición Ecolóxica inviste preto de 5,8 millóns de euros do Plan de Recuperación, Transformación e Resiliencia. Alí estivo acompañado polo subdelegado do Goberno en Ourense, Eladio Santos; o alcalde de Laza, José Ramón Barreal e o xefe da Unidade Territorial de Tragsa en Galicia, Manuel Villarroel.

A través de este proxecto, que executa o Goberno a través da empresa pública Tragsa, Laza contará cunha das bases de prevención e extinción de incendios forestais máis avanzadas e modernas de España. La actuación comezou a executarse en agosto do ano pasado e deberá estar finalizada antes do verán de 2026. Mentres duren as obras, o persoal ocupará unhas instalacións provisionais que están a ser ultimadas nestes momentos.
A nova base contará cun edificio no que se situarán as dependencias necesarias para cubrir todas as necesidades do persoal (formación, descanso, xestión administrativa e de operacións) estando dotada ademais de almacéns exteriores, un comedor exterior con cuberta e aparcadoiros. Non que respecta á zona aérea, mellorarase a pista dotándoa de novos sistemas de seguridade.

Experiencia e capacitación

Pedro Blanco reuniuse con integrantes desta unidade altamente especializada quen lle informaron da súa actividade ao longo do ano. O delegado puxo en valor a alta cualificación que teñen estas brigadas, que forman parte dos medios estatais que pon o Goberno a disposición das autonomías para a loita contra o lume. Tamén valorou o impacto positivo das BRIF sobre o territorio “en dinamización económica, en postos de traballos directos e tamén na conservación dos recursos forestais que son fonte de recursos económicos para toda a zona”, engadiu. A este impacto, engadiu o convencemento de que a mellora da base de Laza “terá un efecto dinamizador na comarca”.
Sobre o persoal destinado a esta base, que suma máis 50 persoas, destacou a súa capacitación e experiencia, que suma xa 20 anos de loita contra o lume. Tamén recoñeceu outros servizos, que van máis aló do dispositivo contra incendios. Entre estes, o delegado destacou o seu traballo nas zonas afectadas pola DANA en Valencia, onde un amplo grupo de traballadores da BRIF de Laza estiveron a colaborar nas tarefas de limpeza a atención humanitaria dentro do equipo de 300 membros das BRIF de toda España desprazado polo Ministerio para a Transición Ecolóxica.

O delegado confirmou que o Goberno “traballa xa na preparación do dispositivo para o próximo verán, no que, como todos os anos, despregaremos medios e persoal de distintos ministerios para dar seguridade móntesnos galegos”, colaborando co dispositivo da Comunidade Autónoma.