El delegado do Goberno en Galicia, Pedro Blanco, puxo en valor o impacto do Plan de Recuperación nos concellos galegos desde Boiro, onde se modernizou o mercado de abastos municipal a través destes fondos. Pedro Blanco supervisou as novas instalacións xunto ao alcalde da localidade, José Ramón Romero. Las obras foron executadas a través dunha subvención do Ministerio de Industria e Turismo para a modernización do Centro Comercial Aberto de Boiro que ascendía a 237.641 euros.
Pedro Blanco agradeceulle a José Ramón Romero o seu comprometido traballo co futuro de Boiro, dotando aos seus veciños e veciñas duns servizos públicos modernos e adaptados ás súas necesidades. “Os resultados do labor desta Alcaldía nótanse no crecemento e a expansión dos recursos municipais á disposición da cidadanía, que fan a vida máis sinxela aos e ás boirenses”, sinalou o delegado.
As actuacións na praza de abastos consistiron na instalación de sistemas de alumado tipo led, dunha adecuada sinalización nos postos e do revestimento decorativo de chans e paredes. Ademais, colocáronse biombos de aceiro inoxidable, unha malla soldada e unha corda decorativa de fibra natural ancorada ao teito na zona de pescadería. Previamente a iniciarse a reforma do mercado municipal foron acometidas outras actuacións de promoción do comercio local mediante esta mesma axuda do Ministerio de Industria e Turismo.
A colaboración entre administracións é clave para a praza boirense, pois o investimento do Ministerio de Industria e Turismo a través do Plan de Recuperación fai posible as súas obras de mellora. “Os fondos do Plan, desembolsados polo Goberno, están a beneficiar a todos os concellos e creando unha Galicia con futuro”, subliñou Pedro Blanco. Lembrou tamén que o Goberno leva investidos xa máis de 3.500 millóns de euros en Galicia a través do Plan de Recuperación.
A mellora do mercado municipal non é a única mostra do traballo entre o Concello de Boiro e o Goberno. Hai unhas semanas executouse o traspaso á administración local da Casa do Mar de Cabo de Cruz, que estaba xestionada polo Instituto Social da Mariña. “Este Goberno traballa en favor da cidadanía e por un Boiro mellor, sempre da man da Alcaldía”, apuntou o delegado.