Pedro Blanco recoñece en Ames “o enorme talento creativo” do audiovisual galego e reafirma o compromiso do Goberno con el

El delegado do Goberno en Galicia, Pedro Blanco, recoñeceu esta tarde en Ames “o enorme talento creativo” do audiovisual galego e aproveitou a súa participación na entrega dos Premios AmesAVLab para reafirmar o compromiso que o Goberno ten con el. Pedro Blanco felicitou aos premiados, destacando o seu traballo e pondo en valor o seu talento, e agradeceu ao alcalde de Ames, Blas García, e ao presidente da Deputación, Valentín González Formoso, o impulso da iniciativa, froito da colaboración entre estas dúas administracións e do seu compromiso coa cultura. Ambos participaron tamén na entrega de premios, que tivo lugar hoxe pola tarde.

Pedro Blanco destacou o positivo impacto de proxectos como o AmesAVLab, “exemplo de impulso para o sector galego, que está chamado a converterse nun referente nacional e internacional en produción audiovisual”. Apuntou que ese impulso está apoiado polo Goberno de España, que achega soporte económico “fortalecendo o ecosistema audiovisual galego” e posibilitando proxectos e iniciativas que incorporan novas realizadoras e realizadores, como os galardoados en Ames, fomentando a innovación e a diversidade.

O delegado subliñou a acción do Ministerio de Cultura con respecto ao audiovisual de Galicia, facendo posible os seus proxectos co financiamento de longametraxes nas que participan nove empresas galegas a través do Instituto da Cinematografía e das Artes Audiovisuais (ICAA). Este ente vén de resolver o segundo procedemento de axudas xerais para a produción de longas sobre proxecto de 2024 por un importe de máis de 31,6 millóns de euros (2,6 M€ corresponden ao Plan de Recuperación), dos cales 4 millóns recaen en produtoras galegas e fan ascender a case 6 millóns de euros a axuda total concedida este ano/este ano polo Ministerio de Cultura á produción audiovisual de Galicia.