La subdelegada do Goberno, María Rivas, quixo destacar a aposta decidida do Executivo na consecución da igualdade e na loita contra a violencia machista. Así, tanto María Rivas como Evencio Ferrero, alcalde de Carballo, puxeron en valor a colaboración entre a Policía Local e a Garda Civil, conformando equipos especializados para traballar coordinadamente na protección das mulleres vítimas de violencia de xénero a través do sistema VioGén.
La subdelegada indicou Carballo é un dos 28 concellos da provincia plenamente adherido ao sistema VioGén. Durante a súa intervención convidou o concello a constituír a súa mesa de coordinación interinstitucional contra a violencia de xénero, coa que xa contan 52 municipios da provincia, para o que ofreceu a máxima colaboración do Goberno.
O Goberno ten como ferramenta o sistema VioGén para crear unha tupida rede que permita o seguimento e protección de forma rápida, integral e efectiva das mulleres maltratadas, e dos seus fillos e fillas, en calquera parte do territorio nacional. “Hoxe máis que nunca, quero pedir a todas as mulleres vítimas de violencia de xénero na provincia que denuncien, que non teñan medo e que dean un paso á fronte para que o sistema poida axudalas e protexelas”, sinalou Rivas.
La subdelegada do Goberno subliñou que as forzas e corpos de seguridade traballan diariamente de maneira coordinada nos 2.655 casos activos en VioGén na provincia. “Traballamos 24 horas os 365 días para protexer a cada unha das mulleres que están dentro do sistema VioGén, son 2.655 vidas condicionadas polo machismo e a falta de igualdade, e como sociedade debemos darlle as costas aos comportamentos violentos e machistas, sinalándoos e denunciando”, dixo a subdelegada.
La procura da igualdade e a loita contra a violencia de xénero son eixos fundamentais da acción do Goberno, que se expresa tamén en medidas como o Pacto de Estado, do que é beneficiario o concello de Carballo, que recibiu 123.605,45 euros desde o ano 2018, 17.519,96 no último ano, e cuxa finalidade é dar capacidade ás entidades locais para desenvolver políticas de igualdade, accións de concienciación e actividades encamiñadas á consecución dunha sociedade máis igualitaria.
Otro dos temas a tratar na reunión da Xunta Local de Seguridade tivo que ver coa seguridade e cos índices delitivos no concello. Tras analizar os datos de seguridade cidadá, a subdelegada quixo pór en valor a colaboración e coordinación das forzas e corpos de seguridade. Neste sentido resaltou que a taxa de criminalidade sitúase en 40 delitos por cada 1000 habitantes, 11 puntos por baixo da media do estado.
Ademais, segundo os datos achegados o número de delitos mantense nos/nos mesmos parámetros que no ano precedente, aínda que descenden notablemente os delitos contra a seguridade viaria; neste sentido quixo resaltar novamente a cooperación entre institucións sinalando que “esta colaboración é clave, e que quero agradecer especialmente ao alcalde, Evencio Ferrero, a implicación e apoio constante. Imos seguir traballando nesta liña para facer de Carballo un concello cada día máis seguro”.