El delegado do Goberno en Galicia, Pedro Blanco, subliñou o “compromiso reforzado do Goberno de Pedro Sánchez para consolidar o sector naval galego como un referente europeo na construción naval sustentable”. El delegado celebrou en Moaña os 50 anos do estaleiro Rodman Polyships, pondo de relevo as “doses históricas de apoio económico do Goberno a esta industria”, que se canalizan, particularmente, a través do PERCHE Naval, un plan deseñado para apoiar a modernización dos estaleiros e fomentar a súa competitividade a nivel global.
Así, lembrou que no marco do Plan de Recuperación do Goberno mobilizaranse máis de 1.400 millóns de euros entre investimento público e privado para o sector naval de toda España, dos que unha parte significativa quedará en Galicia. “Un exemplo témolo na provincia de Pontevedra”, sinalou, “onde se concederon hai pouco meses novas axudas do PERCHE que beneficiaron a 8 empresas e en 2025 resolveremos a segunda convocatoria con novas achegas para Galicia”.
Pedro Blanco insistiu no compromiso decidido do Goberno para asegurar a continuidade dun sector que “é sinónimo de futuro para esta terra” e apelou a seguir apostando pola innovación, pola dixitalización e pola sustentabilidade nunha industria que xera miles de empregos, consolida o tecido empresarial e reforza o vínculo histórico da nosa terra co mar”.
O delegado conmemorou “o medio século de excelencia, innovación e liderado por parte de Rodman Polyships”, afirmando que “o sector naval non se podería entender en Galicia e, en especial, en Vigo, sen esta empresa e sen a figura do seu presidente, Manuel Rodríguez, á fronte da compañía desde a súa fundación”. “A vosa traxectoria é un claro exemplo de como unha visión empresarial comprometida pode xerar emprego, riqueza e prestixio para unha comunidade e para un país”, indicou, resaltando que Rodman representa o espírito innovador que Galicia precisa para continuar crecendo como potencia industrial”.
O delegado finalizou a súa intervención no aniversario cun agradecemento a todas as persoas que fixeron posible a traxectoria da compañía, “desde o os seus fundadores ata os traballadores actuais” e expresou “os mellores desexos para os próximos 50 anos, co mar sempre como o voso horizonte”.