El alumnado do IES de Valadares súmase ás disputas dialécticas improvisadas pola igualdade

El subdelegado do Goberno en Pontevedra, Abel Losada, presentou esta mañá no IES de Valadares un novo taller da iniciativa ′Disputas dialécticas improvisadas pola Igualdade′, promovida pola Unidade de Violencia sobre a muller da Subdelegación do Goberno en Pontevedra e dirixida a escolares da provincia. Esta acción enmárcase no programa de actividades polo 25N, Día Internacional de la Eliminación de las Violencias contra as Mulleres.
Ao acto asistiron, ademais do subdelegado, a concelleira de Igualdade de Vigo, Ana Laura Iglesias; a xefa da Unidade de Violencia sobre as Mulleres da Subdelegación, María José Rodríguez; a directora do IES, Patricia Mena; e o xefe de estudos, Ángel Iglesias. En total, máis de medio centenar de alumnos e alumnas de 3ª da ESO participaron nesta actividade, impartida pola artista Lupe Blanco, e aprenderon a regueifar con letras nas que se enxalza o compromiso pola igualdade plena entre mulleres e homes e o rexeitamento activo de calquera maneira de violencia de xénero.
Estos talleres teñen por obxecto concienciar á mocidade na loita contra a violencia de xénero, fomentar a igualdade e promover a reflexión sobre diferentes temas relacionados coas violencias machistas. Despois de pasar polo IES de Cambados e de Valadares, a actividade recalará no IES Pontecaldelas o 25 de novembro e no IES Pintor Colmeiro de Silleda o 28 de novembro.
"Nun momento no que proliferan os discursos que negan a existencia das violencias machistas, este tipo de iniciativas son importante para concienciar e sensibilizar á mocidade, que son e deben ser axentes activos e fundamentais do cambio”, destacou o subdelegado, que explicou que “o éxito desta actividade ten moito que ver co feito de que a disputa dialéctica improvisada encaixa moi ben co tipo de música que hoxe escoita a mocidade, á vez que ofrece os recursos da lingua galega, a nosa lingua, para divulgar ideas e conceptos relacionados coa loita permanente contra a violencia machista e a favor da igualdade plena entre mulleres e homes”.
Otras actividades
Dentro do programa de actividades con motivo do 25N, este domingo presentarase a campaña de concienciación, “Faille un mate á violencia machista”, promovida pola Subdelegación do Goberno e os clubs de baloncesto basee da provincia e que consistirá na repartición de balóns violetas co lema da iniciativa nas categorías benxamín e alevín. O acto vaise a celebrar no pavillón do CUVI.
Finalmente, o luns 25 de novembro levarase a cabo un acto institucional ao que asistirá alumnado do máster de Publicidade da Facultade de Comunicación da Universidade de Vigo, que está a elaborar unha campaña de comunicación por encargo da Subdelegación do Goberno no marco dun programa de Aprendizaxe-Servizo.