El delegado do Goberno en Galicia, Pedro Blanco, animou aos case 600 alumnos e alumnas da Escola de Especialidades da Estación Naval da Graña, en Ferrol, a seguir esforzándose e alcanzando metas durante a súa preparación militar. Xunto á subdelegada do Goberno nA Coruña, María Rivas, e o director da Escola de Especialidades da Estación Naval da Graña, o capitán de navío José Luis Guevara, visitou as instalacións académicas e asinou no Libro de Honra da institución.
Pedro Blanco destacou o impulso que o Goberno está a dar tanto ás institucións militares de Ferrol como á propia cidade. Trátase dun traballo coordinado entre administracións, que aposta polo crecemento e mellora de Ferrol ao cumprir demandas históricas da súa cidadanía, como a creación de vivenda en terreos do Ministerio de Defensa ou un peche máis permeable ao relevar o actual muro do Arsenal Militar.