La subdelegada do Goberno nA Coruña, María Rivas, visitou esta mañá o concello de Dumbría, onde foi recibida na casa do concello polo seu alcalde Raúl González.
Durante a visita ao concello a subdelegada remarcou a aposta do Goberno con medidas de apoio ao aluguer e de acceso á vivenda para mocidade e ejemplificó este apoio nos 11,4 millóns de euros da segunda convocatoria do Bono Alquiler Joven, aprobados hai apenas dúas semanas polo Consello de Ministros.
María Rivas, remarcou que con esta achega, o Goberno mostra o seu compromiso firme coas políticas de vivenda e de apoio á xente nova, sendo uns dos obxectivos destas medidas o de reverter “a taxa de emancipación máis baixa da historia en Galicia”.
Durante a visita institucional ao Concello de Dumbría, a subdelegada puxo en valor este acordo do Consello de Ministros, que eleva ata os 34,2 millóns de euros a partida que o Goberno destina a Galicia para desenvolver o Bono Alquiler Joven, “unhas transferencias económicas en materia de vivenda que non teñen precedentes”, insistiu.
La subdelegada lembrou que a axuda ao aluguer para mozos e mozas foi deseñada e posta en marcha polo Goberno de Pedro Sánchez e forma parte “dun amplo conxunto de medidas postas en marcha para converter a vivenda nun dereito real e non nun problema”. Unha medida de especial relevancia para a mocidade galega xa que “dúas de cada tres persoas menores de 35 anos aínda vive cos seus pais”.
Con respecto á nova convocatoria destas axudas, a subdelegada reclamou ao executivo autonómico que complemente con fondos propios as achegas do Goberno para atallar esta emerxencia social. María Rivas mostrouse convencida de que a “Xunta será coherente coas súas mensaxes permanentes de compromiso coa vivenda e completará estes fondos”. Neste sentido, a subdelegada espera que actúen do mesmo xeito que outras comunidades que apostan por completar con fondos propios este programa, para que todos os mozos e mozas de Galicia que teñan dereito a esta axuda poidan acceder a ela.
María Rivas subliñou que “a vivenda é unha política de Estado” e en consecuencia, está acompañada dun orzamento que non ten precedentes na historia e que require da implicación das comunidades autónomas para que chegue á cidadanía. “O noso compromiso é claro: destinamos máis recursos que nunca para garantir o acceso a unha vivenda digna e alcanzable”, insistiu a subdelegada. Nesta liña, pediu á Xunta lealdade na execución destas transferencias pois son estes fondos estatais os que posibilitan a materialización dos anuncios que o Goberno galego está a facer nesta materia.
La subdelegada e máis o alcalde de Dubría, Raúl González, coincidiron na necesidade de consolidar a vivenda como quinto alicerce do Estado de Benestar con políticas públicas que axuden a fixar poboación en concellos pequenos.
Durante a visita coincidiron en remarcar o compromiso do Goberno cos concellos, especialmente cos concellos rurais, mediante o fomento de políticas que non soamente sirvan para a atracción de novos habitantes, senón tamén que contribúan a fixar poboación e mellorar o seu dinamismo económico.
Por esta razón o Goberno investiu 800.000 euros no cambio de luminarias do concello con apoio do IDAE, buscando a sustentabilidade pero tamén o aforro enerxético, xa que suporá unha diminución de case un 60% no consumo. Pero tamén “apostamos por proxectos de implantación de banda larga, a conectividade, tan necesaria con 225 proxectos desenvolvidos durante as tres convocatorias do PLAN ÚNICO BANDA LARGA e 702 empresas e vivendas conectadas” afirmou a subdelegada.