O delegado do Goberno en Galicia, Pedro Blanco, e o alcalde de Boqueixón, Ovidio Rodeiro, avanzaron este martes nunha solución para a mellora da mobilidade na estrada N-525 ao seu paso polo núcleo de Lestedo. Foi no marco dunha reunión que mantiveron na Delegación do Goberno e na que tamén estiveron presentes a subdelegada do Goberno nA Coruña, María Rivas, e o xefe da Demarcación de Estradas de Galicia, Anxo González do Río.
Durante a reunión informouse o Concello das previsións de mellora de seguridade viaria na actual intersección existente no PK 327+860 da estrada N-525. Neste punto, prevese transformar a actual intersección en ‘T’ canalizada (con carrís centrais para xiros a esquerda) coa estrada provincial DP-1202, na travesía de Lestedo, nunha glorieta completa que, por unha banda, permita todos os movementos de tráfico e, por outra, permita unha adecuada moderación de velocidades na entrada cara a este núcleo urbano. O proxecto deberá ser sometido ao trámite de Información Pública.
No encontro tamén se abordou o interese municipal que manifestou o Concello de Boqueixon na adquisición da antiga casa de peóns camineros situada na P.K. 331+540 da N-525, na zona de Sergude. Este inmoble, xestionado na actualidade polo MITMS, atópase en trámite de inscrición rexistral como paso previo á súa desafectación e cesión ao Concello para fins públicos.