La subdelegada do Goberno nA Coruña, María Rivas, visitou o Concello de Neda, onde xunto con o seu alcalde Angel Alvariño Saavedra, mantiveron unha reunión coa xunta directiva da Asociación de Mulleres Rurais Val do Belelle para coñecer as actividades da asociación na véspera da conmemoración do Día Internacional das Mulleres Rurais.
La subdelegada do goberno quixo pór en valor a contribución que fan as mulleres rurais, e as entidades que as agrupan na dinamización da vida e das economías nos pequenos concellos. Así lembrou que as asociacións de mulleres contribúen a crear redes de apoio, con actividades que promoven a socialización, o coidado e o autocuidado, traballan na prevención da violencia e axudan á preservación da cultura, dos costumes e tradicións e colaboran decididamente na conservación do noso patrimonio material e inmaterial.
Rivas indicou que na súa declaración anual, ONU Mujeres, indica que as mulleres rurais son as gardiás da natureza e do futuro xa que representan unha cuarta parte da poboación mundial, que ten nas súas mans asegurar a metade do sustento alimenticio de todo o planeta.
Son as agricultoras e gandeiras, as que mellor aprenderon a facer fronte ao cambio climático, adaptando a el as producións e que con maior decisión optan por modelos de agricultura e gandaría máis sustentables, máis compatible coa protección ambiental e lideran iniciativas de recuperación de sementes, de espazos e de biodiversidade.
Por estes motivos, o Goberno pon en valor o seu traballo e defende a unión e o asociacionismo como unha ferramenta crave para a mellora da vida das mulleres no mundo rural.
María Rivas, indicou “a importancia da unión, da cooperación e do asociacionismo como pancas fundamentais para mellorar a vida profesional, e laboral pero tamén para a mellora da dinámica social das nosas vilas e aldeas”.
Así, durante a visita a Neda, reivindicou a aposta decidida do Goberno polas políticas feministas, a formación, a substitución xeracional, así como a promoción e a participación das mulleres en todos os ámbitos, especialmente no sector agrogandeiro. Este Goberno é o da “Lei de Titularidade Compartida, o Goberno que impulsou en Bruxelas unha PAC con perspectiva de xénero, e o que traballa no Estatuto das Mulleres Agricultoras e Gandeiras”, resaltou a subdelegada.
Os datos do último rexistro de poboación activa da provincia indican que temos o mesmo número de mulleres que de homes traballando no sector agrogandeiro; e con todo o seu labor está moito máis invisibilizada, polo que a subdelegada avogou nesta data por seguir traballando por pór en valor a achega das mulleres á economía do mundo rural, especialmente no sector primario.
“Somos conscientes dos retos aos que se enfrontan cada días as mulleres rurais, por iso desde as institucións debemos seguir apostando decididamente por achegar elementos que permitan a conciliación e a corresponsabilidade. Neste sentido o Goberno impulsa medidas, favorece a extensión dos permisos por nacementos e coidados de persoas dependentes, e tamén converte a Galicia na comunidade que máis fondos percibe para o mantemento do sistema de dependencia”, un 35,20% do custo total, tal e como recoñece o Observatorio da Dependencia elaborado pola Asociación Estatal de Directores e Gerentes en Servizos Sociais.
O Goberno tamén aposta por loitar contra a violencia de xénero no ámbito do rural, atendendo ás características propias das zonas rurais, onde a presión social, a falta de recursos asistenciais e o modelo de convivencia intergeneracional, son factores diferenciais.
La subdelegada subliñou a importancia dos recursos que se dedican desde O Pacto de Estado contra a violencia de xénero, que neste ano deixa nos municipios da provincia da Coruña 762.935,24 euros para desenvolver políticas de igualdade, accións de concienciación e actividades encamiñadas á consecución dunha sociedade máis igualitaria e con tolerancia cero coa a violencia machista.
La subdelegada tamén lembrou que é fundamental empoderar e visibilizar o traballo das mulleres. Por tal motivo, quixo pór en valor o Ciclo Nacional de Cinema e Mulleres Rurais, organizado polo Ministerio de Agricultura, Pesca e Alimentación, que na próximas semana recalará na provincia.
La mostra inclúe máis de 600 proxeccións e actividades en 320 localidades de todo o Estado. Ademais tamén se pode acceder á programación en rede gratuíta a partir de mañá día 15 e ata o 30 de outubro a través da web: Mujer Rural (cineymujeresrurales.es)
Na provincia da Coruña, esta mostra cinematográfica estará presente en Betanzos, o 8 de novembro coa proxección de “As Neves”; en Vimianzo o 16 de novembro coa proxección de “Sica”; e en San Sadurniño, o 12 de novembro, coa proxección de “O Corno”.