Pontevedra, 2 de outubro de 2024.- El subdelegado do Goberno en Pontevedra, Abel Losada, presidiu os actos do Día da Policía Nacional cun discurso no que definiu ao Corpo como “baluarte da democracia” que garante os dereitos e liberdades da cidadanía proclamados pola Constitución. “Tedes motivos máis que dabondo para vestir con orgullo o uniforme azul, que é garantía de paz, seguridade e convivencia, porque a Democracia non é máis que as normas que nos/nos demos entre todos/as”, dixo no seu discurso.
Aos actos do Día dos Anxos Custodios asistiron boa parte das dotacións das Comisarías de Pontevedra, Vilagarcía e Marín, encabezados polo comisario-xefe provincial, Juan José Díaz. Entre os asistentes figuraba tamén o alcalde de Pontevedra, #Miguel Anxo Fernández Lores e demais autoridades civís e policiais.
Abel Losada afirmou que en pouco semanas inaugurarase o novo Centro de Cooperación Policial de Tui, que vai supor unha importante mellora nas condicións no servizo. E afirmou que vai traballar arreo, “para pór o meu grao de area para que poida irme coa satisfacción de contribuír ao reto de ver en pé as novas Comisarías de Pontevedra e Marín, que son dúas necesidades prioritarias”.
En a súa intervención lembrou que España cometeu no seu pasado recente o erro de pensar que podía saír dunha crise económica recortando nos servizos públicos, tamén nas dotacións policiais, “e quedou claro que eses recortes se pagan moi caros e, ao final, hai que revertelos porque a sociedade acaba esixir”. Engadiu que o debate agora, tralas maiores convocatorias de prazas da historia, empeza a ser “xa non o de cubrir todas as prazas das comisarías, senón o de ampliar catálogos”.
O subdelegado destacou que nos 9 meses que leva neste cargo “non ouzo máis que pedimentos de máis policías e máis gardas civís por todas partes” e incidiu en que “todos os alcaldes e alcaldesas, de todos os signos políticos están nese pedimento, algúns en voz alta e outros en voz baixa; mesmo nestes intres, cando hai máis axentes que nunca”.
Alertó tamén do reto que supón a irrupción da ciberdelincuencia trala pandemia, ata o punto de que a Policía de hoxe xa non só patrulla e investiga “delitos presenciais”, senón, cada vez máis, delitos que se perpetran a distancia. Neste sentido, puxo en valor o traballo do Instituto Nacional de Ciberseguridade (INCIBE) co seu teléfono gratuíto 017 e o impulso da Policía Nacional e a Garda Civil ao Plan Director para traballar a favor da seguridade coas comunidades escolares, así como o Plan Maior, para traballar coas persoas de idade.
Polo seu lado, o comisario, Juan José Díaz, expresou o “orgullo que sentimos neste día por protexer os dereitos e as liberdades de todos os españois”, aproveitando para reiterar que “ningunha barreira física nin doutra índole vai impedir que os vehículos da Policía Nacional continúen patrullando todas as rúas desta cidade cumprindo o deber constitucional de protexer os cidadáns”.
O comisario felicitou a todos os axentes “que se esforzan por facer de Pontevedra unha das provincias máis seguras de España” e incidiu no compromiso do corpo fronte o tráfico de drogas, sinalando que desde outubro de 2023 realizáronse nove operacións con 30 detidos e 7 entradas e rexistros. Neste prazo interviñéronse 782 kg de cocaína, 31 de heroína, 21 de haxix, máis de 1.700 plantas de marihuana, así como un total de 310.000 euros en efectivo e varios vehículos.
No transcurso do acto entregáronse condecoracións honoríficas a varios axentes polo seu labor destacado no cumprimento das súas funcións.