El subdelegado do Goberno en Ourense, Eladio Santos, acudiu esta mañá á Librería Tanco da capital para dar a coñecer entre os mozos ourensáns que en 2024 cumpren 18 anos o Bono Cultural Novo, posto en marcha polo Ministerio de Cultura, que prorrogou o prazo de presentación de solicitudes ata o 31 de outubro.
Santos lembrou que esta iniciativa estatal permite que estes rapaces reciban 400 euros, que poden empregar ata final de ano en adquirir e gozar de produtos e actividades culturais, como ópera, teatro, cinema, museos, libros, prensa, concertos, música, películas e series en liña, videoxogos… “Hai 40 establecementos adheridos na provincia, 24 na capital, e isto facilita á mocidade, por exemplo, que poida adquirir gratuitamente os libros de lectura que debe empregar no Bacharelato ou nos estudos que estea a realizar. O obxectivo é que teñan acceso á cultura e, para iso, só teñen que descargar unha aplicación no seu móbil”, explicou.
Ademais, o subdelegado tamén se dirixiu aos comerciantes ourensáns. “Animamos a todos os establecementos que teñen que ver co sector da música, a cultura e a creación artística a que se adhiran a este proxecto, se aínda non o fixeron, porque o obxectivo é incentivar as compras nos establecementos da provincia”, insistiu.
Pola súa banda, o xerente de Libraría Tanco, José Ramón Martínez, mostrouse moi satisfeito pola repercusión que esta iniciativa ten no sector. “Nós notar bastante, polo que os libreiros estamos moi agradecidos a esta iniciativa. Unha, polo ben da cultura; e, outra, polo ben das librarías, xa que nos/nos dá un respiro económico. Ademais, sempre se gañan novos clientes”, asegurou.
Cunha partida de 210 millóns de euros, recollida nos Orzamentos Xerais do Estado, máis de 500.000 mozos de toda España poderán beneficiarse destas axudas.